Ta Ita Hadibaia Namonamo Totona Ita Hegaegae Guna

Nega idaudia rua ai, tatau rua be mauri hanaihanai abia totona Iesu dekenai henanadai tamona idia henia, bona Iesu be edia diba hegeregerena ia haere henidia. (Luka 10:25-28; 18:18-20) Unai dainai, ena be Baibel stadi bukana o buklet ita diba namonamo, to hegaegae guna karana be mai anina bada. Unai ita karaia lalonai stiuden ita laloa be namo. Edena point do ia hekwarahi ia laloparara totona, eiava do ia auka ia abia dae totona? Edena siri do ai duahia hebou? Paragraf hida ai stadilaia be namo? Reana haheitalai ta, hereva ta ena anina, eiava henanadai haida ita hegaegaelaia unai amo stiuden ese ia dibaia gauna do ia lalopararalaia. Namona be ita laloatao, ta ena kudouna ai ia noho hereva momokani ena uhe be Iehova ese ia hatubua. Unai dainai, ita hegaegae neganai iena heduru ita noia stiuden do ia durua, bona eda hekwarahi do ia hanamoa unai amo stiuden do ia goada ia lao.​—1 Kor. 3:6; Iam. 1:5.