Oi be JW.ORG Contact Card Oi Gaukaralaia, A?

Hisihisi badana be ia kahirakahira dainai, iseda haroro gaukara be mai anina bada. (Ao 24:11, 12, 20) Taunimanima ita durua Baibel bona iseda websait idia dibaia totona, Contact Card ita gaukaralaia. Kadi ai ia noho code ese idia ia abia lao Dahaka Dainai Baibel Oi Stadilaia? ena vidio idia itaia, diba ma haida idia abia o Baibel stadi idia noia totona. Taunimanima haida be idia ura lasi iseda pablikeisen idia abia, to idia ura iseda websait idia lao. Unai dainai, idia dekenai Contact Card ita henia be namo. To, Contact Card be idia ura lasi kamonai taudia dekenai ita henia lasi.

Dina ta ta ena gaukara oi karaia lalonai, ta ena lalona veria totona inai bamona oi hereva: “Lau ura oi dekenai gau ta lau henia. Inai kadi ese ia hahedinaraia websait dekenai, infomeisen momo bona topik idauidau edia vidio oi itaia diba.” (Ioa 4:7) Inai Contact Card be maragi dainai, haida oi dogoatao diba unai amo ma haida dekenai oi hariharilaia diba.