Idia Henia Gaudia ese Ita Idia Durua Rara Ita Dadaraia Totona
Bema bapatiso pablisa taudia ese Advance Medical Directive/Release kadi eiava Identity Card mai deit lasi eiava 3/99 deit gauna idia hahonua vadaeni, inai lagani ai kadi matamatana ma ta idia hahonua be anina lasi. December 29 purana ena Hesiai Hebou totona, namona be seketere dekenai unai kadi momo idia noho, bapatiso matamata pablisa, edia natudia, bona idia ura kadi matamata idia abia taudia dekenai ia hariharilaia totona. Kongregesen dekenai unai kadi edia kopi momo do idia siaia lasi. Bema kongregesen dekenai kadi momo idia noho lasi, seketere be reana kahirakahira idia noho kongregesen ia noia eiava kongregesen ena oda gabena ai kadi ma haida ia oda diba.
Ruma ai kadi idia hahonua diba to idia sainia LASI be namo. Kongregesen Buka Stadi gabena ai, namona be kadi idia sainia, witnes ese idia sainia, ena deit idia torea, bona buka stadi naria tauna ese heduru ma haida ia henia diba danu. Witnes totona idia saini taudia ese kadi biaguna ia saini neganai, idia itaia be namo.
Bapatiso lasi pablisa taudia ese idia bona edia natudia totona reana Advance Medical Directive/Release kadi bona Identity Card ai ia noho herevadia idia gaukaralaia amo sibona edia kadi ta idia torea diba.