“Iena Adavana be Taunimanima Ibounai ese Idia Matauraia Noho”

Hahine namona be ena tau ia laloa bada. King Lemuela ena negai, hahine namona ena tau “be taunimanima ibounai ese idia matauraia noho.” (Ao 31:23) Hari, momo ese elda bona hesiai taudia idia matauraia. Kara namona ia hahedinaraia bona ena adavana ia durua taihuna ena tau be hesiai tauna o elda ena maduna ia huaia diba. (1Ti 3:4, 11) Unai bamona hahine namona be ena tau, bona kongrigeisen taudia danu, ese idia hanamoa.

Hahine namona ese ena adavana ia durua daladia haida . . .

• Mai hebogahisi ida ena tau ia hagoadaia.​—Ao 31:26,

• Ia ura ena tau be kongrigeisen taudia ia durua, ia koua lasi.​—1Te 2:7, 8

• Aniani, dabua, bona moni dekenai ia laloa momo lasi.​—⁠1Ti 6:8

• Ia ura lasi ena tau ese kongrigeisen ena hunia gaudia be ia dekenai ia gwauraia bona ia ura lasi kongrigeisen ena disisen ia haidaua.​—1Ti 2:11, 12; 1Pe 4:15