BAIBEL ENA HEREVA BADADIA | IEREMIA 51-52
Iehova Ena Hereva Ibounai Idia Vara Momokani
Iehova ese vaira nega ia perovetalaia maoromaoro
Parasa gima tauna, peva ia gaukaralaia namonamo
“Emui diba edia matadia do umui segea”
Mede bona Parasa taudia be tuari totona edia diba bona peva idia gaukaralaia momo, unai dainai unai gaudia gaukaralaia dalana idia diba namonamo. Idia ese edia diba edia matana idia segea, unai amo idia pidia gauna ena lalona momokani ia vareai diba
“Babulonia ena tuari taudia ese, tuari idia hadokoa vadaeni”
Nabonido Ena Sivarai ia gwau: “Kurese ena tuari taudia idia tuari lasi Babulono lalonai idia vareai totona.” Unai ena anina be tuari badana ta idia karaia lasi, unai ese Ieremia ena peroveta herevana ia hamomokania
Nabonido Ena Sivarai
Babulonia be momoru haboua gabuna ai do ia lao bona do ia noho kava ela bona hanaihanai
Lagani 539 B.C.E. ai, Babulonia ena hairai ia boio matamaia. Alesana Badana ia ura Babulonia be iena hanua badana ta ai ia halaoa, to ia mase haraga. Keristani taudia edia negai, Iuda taudia haida be unuseniai idia do noho, unai dainai aposetolo Petero be Babulonia ia vadivadi henia. To lagani 300 C.E. ai, unai hanua be ia dika vadaeni bona ta be unuseniai ia noho lasi