KERISTANI TAUDIA EDIA MAURI DALANA
Edeseniai Heduru Painia Lau Karaia Diba?
Esekiela ena dubu matahanai ese ia hahedinaraia, Iehova ena taunimanima be mai edia ura ida edia boubou gaudia do idia henia. Edena bamona ita danu be Dirava ita hanamoa diba?—He 13:15, 16.
Dala namona ta be heduru painia gaukara ita karaia. Lagani 2018 ena hesiai lagani ai, hua haida be mai edia Saturday bona Sunday faiv. Unai be heduru bada ful-taim moni gaukara idia karaia taudia totona, idia ese haroro gaukara idia durua diba wikeni ai. Ma danu, Pablisa taudia be abia hidi idia karaia March bona April ena hua lalonai hora 30 o 50 idia karaia diba bona sekit ia vadivadi negana danu.
To bema iseda noho dalana ia hegeregere lasi, edena bamona heduru painia gaukara ita karaia diba? Namona be ita hekwarahi iseda haroro daladia ita hanamoa bona iseda gaukara ita habadaia danu. Herevana iseda noho dalana be idauidau, to Iehova lalokau henia karana ese ita ia hagoadaia, lagani 2018 ena hesiai lagani lalonai mai ura ida Ia do ita hesiai henia.—Hos 14:2.
Edena bamona Sabina Hernández ena kara lau tohotohoa diba?
VIDIO LADANA IEHOVA DAINAI, GAU IBOUNAI LAU KARAIA DIBA, ITAIA MURINAI HENUNAI IDIA NOHO HENANADAI HAERELAIA:
Dahaka ese Sabina ia hagoadaia Iehova hesiai henia gaukarana ia habadaia totona?
Sabina ena haheitalai ese edena bamona oi ia hagoadaia?
Lagani 2018 ena hesiai lagani lalonai, oi ura edena hua ai heduru painia gaukara oi karaia?