Haroro Gaukara Hanamoa Daladia​—Lou Henia

DAHAKA DAINAI MAI ANINA BADA: Basileia ena sivarai namona idia kamonai taudia momo be idia ura Dirava idia dibaia. (Is 55:6) Idia ita hadibaia namonamo totona, namona be hanaihanai idia ita lou henia. Taunimanima be edia mauri ai, hekwakwanai idauidau idia davaria unai dainai idia ita hereva henia neganai, edia kudouna hamarerea daladia ita laloa danu be namo. To bema ita hegaegae namonamo, lou henia do ita karaia namonamo bona Baibel stadi ta ita hamatamaia diba.

KARAIA DALANA:

• Namona be ita hekwarahi ita giroa lou haraga totona, reana dina ta o rua murinai.​—⁠Mt 13:19

• Namona be idia ita laloa bada bona matauraia. Bona oi haragaharaga lasi

• Hanamoa herevadia amo emu hereva oi hamatamaia. Ruma tauna ida oi herevahereva neganai iena ladana oi gaukaralaia. Oi giroa lou ena badina be ia dekenai oi gwauraia​—⁠reana henanadai ta haerelaia totona, magasin matamata ta oi henia totona, iseda websait eiava vidio ta hahedinaraia totona o Baibel stadi karaia dalana haheitalaia totona. To bema ia ura topik ma ta ena haere ia diba, vadaeni emu hereva dalana danu oi haidaua.​—⁠Fp 2:4

• Ruma tauna dekenai Baibel siri ta oi duahia bona reana magasin ta oi rakatania karana amo iena kudouna ai ia noho hereva momokani ena uhe oi dairia unai. (1Ko 3:6) Iena lalohadai oi lalopararalaia bona oi hereva henia namonamo

• Dala karaia ia oi lou henia totona