ISEDA KERISTANI MAURINA

Haroro Hanamoa Daladia Lou Henia Karaia Dalana

DAHAKA DAINAI MAI ANINA BADA?

Ita ura ita hadoa hereva momokani ena uhe ita dairia. (1Ko 3:6) Kamonai tauna ta ita davaria neganai, namona be henanadai ta ita rakatania. Unai amo do ia ura gabeai ita giroa bona unai henanadai ita haerelaia. Danu, namona be ita be unai henanadai sibona ita hegaegaelaia. Ita lou henia neganai, ita hadibaia ita be vanegai ita rakatania henanadai ita ura haerelaia.

EDENA BAMONA DO ITA KARAIA?

Witnes ta be ia hegaegae lou henia do ia itaia, ta ia do hereva henia, bena ena noutbuk dekenai unai ia torea

Ruma-ta-ruma-ta haroro gaukara ena hamatamaia hereva sibona lasi, to henanadai ta oi hegaegaelaia danu, gabeai vadivadi lalonai oi haerelaia totona. Reana unai henanadai ena haere be oi henia magasin ai ia noho. Eiava unai henanadai be eda stadi bukana ta ai ia noho, bona oi ura lou henia neganai, unai buka oi gaukaralaia.
Kamonai tauna ida umui herevahereva neganai, namona be oi hadibaia oi ura nega ma ta ai umui herevahereva lou, bena oi hegaegaelaia henanadai oi rakatania. Reana iena fon namba o adres oi abia.
Bema lou henia do oi karaia ena dina bona taim oi gwauraia, vadaeni emu apoinmen o hereva oi badinaia be namo.—Mt 5:37.