KERISTANI TAUDIA EDIA MAURI DALANA

Haroro Bona Hadibaia Gaukara—⁠Mai Anina Bada Hahediba Taudia Halaoa Totona

Iesu be ia murinai idia raka taudia ia hamaoroa idia lao bona hahediba taudia halaoa gaukarana do idia karaia. (Mat 28:19) Inai gaukara be haroro bona hadibaia gaukarana danu. Nega ta ta ai, namona be ita sibona ita nanadaia, ‘Edena dala ai inai mai anina bada hahediba taudia halaoa gaukarana lau habadaia diba?’

HARORO NOHO

Taunimanima ita naria lasi ita dekenai idia mai totona, to namona be mai goada ida “kamonai” taudia ita tahua. (Mat 10:11) Haroro gaukara ita karaia neganai, ita noho hegaegae dala idauidau ai ‘idia noho taudia’ ita hereva henia totona? (Kara 17:17) Paulo ia haroro namonamo dainai Lidia be hahediba hahinena ta ai ia lao.—⁠Kara 16:13-15.

Samuel be Ezekiel dekenai magasin ta ia henia; Solomon bona Mary be Ezekiel bona Abigail idia haroro henia — “Daba neganai, bona adorahi neganai danu, uhe do oi hadoa” (Had 11:6)

INAI VIDIO OI ITAIA, NEGA IBOUNAI HARORO, “HADOKOA LASI”—⁠NEGA BONA GABU IDAUIDAU AI BONA RUMA-TA-RUMA-TA AI, BENA INAI HENANADAI HAERELAIA:

Dina ta ta ai, Samuel be edena dala ai ia hekwarahi hereva momokani ena uhe ia hadoa totona?
Dahaka dainai haroro gaukara idauidau dekenai ita haheauka noho be namo?
Dina ta ta ai daika ida Basileia ena sivarai namona do oi harorolaia?

HADIBAIA NOHO

Taunimanima be hahediba taudia ai ita halaoa totona, namo lasi buka o magasin sibona ita rakatania. Idia ita durua hereva momokani dekenai idia goada totona, namona be lou henia bona Baibel stadi ita karaia. (1 Kor 3:6-9) Dahaka do ia vara bema ita hekwarahi Basileia ena hereva momokani be ta dekenai ita hadibaia, to gau ta ia vara lasi? (Mat 13:19-22) Namona be ita hekwarahi noho “kudou maoro taudia” ita tahua totona.—⁠Mat 13:23; Kara 13:48.

Solomon bona Mary be Ezekiel bona Abigail ida Baibel stadi idia karaia; Ezekiel bona Abigail be pablik gabudia ai idia haroro noho — “Lau ese uhe lau hadoa, Apolo ese ia dairia, to Dirava ese ia hatubua noho” (1Kor 3:6)

INAI VIDIO OI ITAIA, NEGA IBOUNAI HARORO, “HADOKOA LASI”—⁠PABLIK GABUDIAI BONA HAHEDIBA TAUDIA HALAOA GAUKARANA AI, BENA INAI HENANADAI HAERELAIA:

Edena dala ai Solomon bona Mary ese Ezekiel bona Abigail edia lalona ai ia noho hereva momokani ena uhe idia dairia?
Haroro gaukara ena kahana idauidau ai bona pablik gabudiai, iseda tahua gauna be dahaka?
Dahaka dainai ma haida dekenai hereva momokani ita hadibaia karana be mai anina bada?