Haroro Hanamoa Daladia—“‘Kudou Maoro Taudia’ Durua Hahediba Taudia Ai Idia Lao Totona”

DAHAKA DAINAI MAI ANINA BADA: Iehova ese hereva momokani ena huahua be “mauri hanaihanai idia ura kudou-maoro taudia” edia kudouna dekenai ia hatubua. (Ka 13:48; 1Ko 3:7) Bema iseda haroro gaukara ai ita hadibaia taudia ese idia dibaia gaudia idia abia dae, ita be Iehova ida ita gaukara hebou noho. (1Ko 9:26) Namona be Baibel stiuden taudia idia laloparara Keristani bapatiso abia karana ese mauri hanaihanai abia dalana ia kehoa. (1 Pe 3:21) Idia ita durua edia mauri ai senisi haida idia karaia, idia haroro bona ma haida idia hadibaia bona Iehova dekenai edia mauri idia gwauhamatalaia neganai, hahediba taudia ai do idia lao.​—Mt 28:19, 20.

KARAIA DALADIA:

• Namona be Baibel stiuden ita hadibaia Baibel idia stadilaia ena badina be, Iehova do idia dibaia bona ia idia hamoalea.​—Ioa 17:3

• Kara dikadia bona hebamo dikadia idia dadaraia totona, idia ita durua hereva momokani dekenai idia goada idia lao noho be namo

• Idia do bapatiso lasi neganai bona idia bapatiso murinai idia oi hagoadaia.​—Ka 14:22

VIDIO LADANA, IEHOVA DIRAVA ESE OI DO IA DURUA ITAIA, BONA INAI HENANADAI OI HENIA:

• Dahaka ese ta ia koua diba gwauhamata bona bapatiso ia abia totona?

• Edena dala ai elda taudia ese Baibel stiuden taudia idia durua hereva momokani dekenai idia goada idia lao totona?

• Isaia 41:10 amo Iehova dekenai dahaka ita dibaia?

• Edena kara ese ita idia durua diba Iehova ita hesiai henia ena be ita be goevadae lasi?