Lau Murinai Oi Raka​—⁠Dahaka Ita Karaia be Namo?

9:62

Biru tauna ia ura tano ia geia maoromaoro dainai, ia murinai idia noho gaudia ia itaia lasi. Unai hegeregerena, Keristani tauna ia ura lasi ia rakatania vadaeni gaudia ia lalodia lou.​—Fp 3:13.

Hekwakwanai idia vara neganai, namo lasi ita gwau, guna hereva momokani ita do diba lasi neganai, mauri be namo herea. Oibe, namo lasi ita laloa guna ita davaria hekwakwanai be dika momokani lasi bona guna ita abia moalena ese hari ena ia hanaia. Israela taudia be Aigupito idia rakatania murinai, unai bamona idia karaia. (Nu 11:5, 6) Bema unai bamona lalohadai kererena ita abia, guna negadia do ita laloa momo. Namona be hari ita abia hahenamodia ita lalodia bona vaira negana ai Basileia henunai do ita abia moalena ita laloa noho!​—2Ko 4:16-18