Ane amo Mai Moale Ida Iehova Hanamoa

Paulo bona Sila be dibura ruma ai idia noho neganai, Iehova hanamoa anedia idia abia. (Ka 16:25) Ane idia abia neganai unai ese idia ia durua idia haheauka totona. Hari iseda negai be edena bamona? Iseda tomadiho anedia bona JW Broadcasting ai idia noho anedia ese ita ia hagoadaia bona durua herevana hahetoho ita davaria to ita haheauka diba. To, mai anina bada gauna be unai ane ese Iehova ia hanamoa. (Sa 28:7) Hakaua Oreana ese ita idia hagoadaia, namona be unai ane edia hereva ita dibaia bona lalodiatao. Unai oi karaia vadaeni, a? Famili stadi negadia ai unai ane ibounai ita praktis diba bona edia hereva ita dibaia namonamo.

VIDIO LADANA NATUDIA ESE ANE AMO IEHOVA IDIA HANAMOA ITAIA, BENA INAI HENANADAI HENIA:

• 

  Basileia anedia abia karana ese edena dala ai ita ia durua diba?

• 

  Audio/Video dipatmen be ane ta idia rekodia totona, edena dala ai idia hegaegae?

• 

  Ane ta rekodia totona, edena dala ai tama sina bona edia natudia idia hegaegae?

• 

  Edena Basileia anedia oi ura henia, bona dahaka dainai?