Mai Ura Bada Bona Haheauka ida Oi Naria Noho

Lagani hida Dirava ena Basileia do ia mai negana oi naria vadaeni? Mai haheauka ida oi naria noho, ena be hekwakwanai idauidau oi davaria, a? (Ro 8:25) Keristani taudia haida be taunimanima ese idia inai henia, dagedage henia, hadiburaia, eiava idia ura hamasea. Momo be hahetoho idauidau idia haheaukalaia hegeregere, gorere badadia eiava buruka.

Dahaka ese ita ia durua diba hahetoho lalonai mai ura bada ida ita haheauka noho totona? Namona be dina ta ta ai Baibel ita duahia bona laloa dobu, unai amo iseda abidadama ita hagoadaia diba. Danu, iseda helaro do ita laloa bada be namo. (2Ko 4:16-18; He 12:2) Guriguri amo Iehova do ita noia ita dekenai ena lauma helaga ia henia totona. (Lu 11:10, 13; He 5:7) Iseda lalokau Tamana ese ita ia durua diba ‘gau ibounai do ita haheaukalaia, do ita hesiku lasi bona do ita moale.’​—Kl 1:11.

VIDIO LADANA, NAMONA BE “ITA HEAU MAI HAHEAUKA IDA”​—OI ABIA DAE MOMOKANI AHUNA DO OI ABIA ITAIA, BENA INAI HENANADAI HAEREALAIA:

• 

  Iseda mauri lalonai edena bamona “dika ia vara kava” diba? (Had 9:11)

• 

  Hahetoho ita davaria neganai, edena dala ai guriguri karana ese ita ia durua diba?

• 

  Ena be guna Iehova ena hesiai gaukara ai ita karaia gaudia be hari ita karaia diba lasi, dahaka dainai ita karaia diba gaudia ita laloa bada be namo?

• 

  Dahaka ese oi ia durua unai amo oi abia dae momokani ahuna do oi abia?