Haroro Hanamoa Daladia—Ia Goada Lasi Tauna Ena Stadi Hadokoa

DAHAKA DAINAI MAI ANINA BADA: Taunimanima be Iehova ena ladana dekenai idia boiboi neganai, hahemauri do idia abia. (Ro 10:13, 14) Ena be haida ese Baibel idia stadilaia, to idia ura lasi Iehova ena taravatu idia badinaia. Haroro gaukara ai iseda nega ita gaukaralaia namonamo totona, namona be edia mauri idia ura haidaua bona Iehova idia ura hamoalea taudia ita durua. Bema Baibel stiuden ta be ia goada lasi bona nega daudau lalonai ia oi stadi henia vadaeni, aonega karana be ena stadi oi hadokoa bona emu nega oi gaukaralaia Iehova ese ia bona ena orea dekenai ia veria mai taudia oi durua. (Ioa 6:44) To, bema gabeai unai tauna be senisi haida ia karaia bona ia ura “mauri hanaihanai” ia abia, mai moale ida ena stadi oi hamatamaia.​—Ka 13:48.

KARAIA DALANA:

• Stiuden oi hanamoa badina ia ura diba maoromaoro ia abia.​—1Ti 2:4

• Ia oi hagoadaia ia dibaia gaudia ia badinaia be mai anina bada.​—Lu 6:46-49

• Mai manau ida Iesu ese ia gwauraia hadohado tauna ena parabole oi herevalaia, bona ia oi nanadaia dahaka gaudia ese ia koua noho ia goada totona. ​—Mt 13:18-23

• Mai aonega ida ena stadi do oi hadokoa ena badina oi gwauraia hedinarai

• Ia oi hamaoroa nega ta ta do oi vadivadi henia ia oi hagoadaia totona, bona bema senisi haida ia karaia ena stadi oi hamatamaia lou diba

VIDIO OI ITAIA, BENA INAI HENANADAI HAERELAIA:

• Pablisa bona stiuden edia herevahereva amo dahaka ese ia hahedinaraia stiuden be hereva momokani ai ia goada lasi?

• Edena dala ai Pablisa ese stiuden ia durua senisi haida ia karaia totona?

• Edena dala ai pablisa ese stiuden dekenai ia hahedinaraia gabeai ena stadi ia hamatamaia lou diba?