Dirava Ena Hereva Oi Laloa Bada, A?

Iehova Dirava ese ena lalohadai bona hereva be Baibel lalonai ia torea. (2Pe 1:20, 21) Baibel ia gwau, Iehova ese ena Basileia amo iena lohia siahuna do ia abia isi, unai ese vaira nega totona taunimanima dekenai mauri namona ena helaro ia henia. Danu Baibel ese iseda guba Tamana, Iehova, ena kara namodia ia herevalaia.​—Sa 86:15.

Ita ta ta be badina idauidau dainai Iehova ena Hereva ita laloa bada. To, dina ta ta ai Baibel ita duahia bona iseda mauri lalonai ita badinaia karana amo ita hahedinaraia unai harihari gauna ita laloa bada, a? Namona be iseda kara amo unai ita hamomokania, bona salamo torea tauna bamona, ita gwau diba: “Lohiabada e, oiemu taravatu lau ura henia!” ​—Sa 119:97.

VIDIO LADANA, BAIBEL IDIA LALOA BADA​—ENA KAHANA TA (WILLIAM TYNDALE) ITAIA, BENA INAI HENANADAI HAERELAIA:

• 

  Dahaka dainai William Tyndale ese Baibel ena kahana haida sibona ia hahanaia?

• Dahaka dainai ena hekwarahi Baibel hahanaia karana dekenai be hoa gauna?

• Edena dala ai Tyndale ena Baibel be hunia dalana ai England dekenai idia abia lao?

• Edena dala ai ita hahedinaraia diba Dirava ena Hereva ita laloa bada?