Emu Hetura Karana Iehova Ida Oi Laloa Bada

Iehova ena Witnes taudia ai ita lao neganai, hahenamo badana ta ita abia. Ita be bapatiso Keristani taudia dainai, Siahu Ibounai Lohiabada, Iehova ita tura henia diba. Iena Natuna amo ia dekenai ita ia veria lao. (Ioa 6:44) Bona iseda guriguri ia kamonai henia.​—Sa 34:15.

Edena dala ai iseda hetura karana Iehova ida ita gimaia diba? Namona be Israela taudia edia kara dikadia ita tohotohoa lasi. Iehova ida gwauhamata kontrakana ta idia karaia murinai, golo boromakau kaivakuku ta idia karaia bena idia tomadiho henia. (Eso 32:7, 8; 1Ko 10:7, 11, 14) Reana sibona ita henanadai: ‘Hedibagani lau davaria neganai, dahaka do lau karaia? Egu kara amo lau hahedinaraia egu hetura karana Iehova ida lau laloa bada, a?’ Iseda guba Tamana ita lalokau henia bada karana ese ita do ia durua, Ia inai henia gaudia ita dadaraia totona.​—Sa 97:10.

VIDIO LADANA EMU HETURA KARANA IEHOVA IDA OI GIMAIA (KL 3:5) ITAIA, BENA INAI HENANADAI HAERELAIA:

• Kohu mataganigani henia karana ena anina be dahaka?

• Dahaka dainai mataganigani bona kaivakuku tomadiho henia karana ita dadaraia?

• Edena dala ai heudahanai bona kaivakuku tomadiho henia karana be idia hegeregere?

• Dahaka dainai orea lalonai maduna idia huaia tadikaka ese tauanina bona lauma dalanai edia adavana idia naria be namo?