Matamata Taudia E, Iehova be Emu Turana Namona, A?

Ta oi tura henia totona, ia dekenai edena bamona kara oi tahua? Reana badinaia karana, kara namona, bona hariharibada karana. Iehova be unai kara ibounai ia hahedinaraia. (Eso 34:6; Ka 14:17) Ia oi guriguri henia neganai, ia kamonai. Nega ibounai ia noho hegaegae oi ia durua totona. (Sa 18:19, 35) Bona emu dika do ia gwauatao. (1Io 1:9) Momokani, Iehova be Tura namona!

Edena dala ai Iehova oi tura henia diba? Ia oi diba namonamo totona, ena Hereva oi duahia. Emu hemami ibounai be ia dekenai oi gwauraia hedinarai. (Sa 62:8; 142:2) Namona be oi hahedinaraia Iehova ese ia laloa bada gaudia, hegeregere iena Natuna, iena Basileia, bona vaira negana totona ia gwauhamatalaia gaudia oi laloa bada. Bona taunimanima dekenai, ia oi herevalaia. (De 32:3) Bema oi gaukara goada Iehova oi tura henia totona, ia be emu Turana namona ai do ia lao ela bona hanaihanai.​—Sa 73:25, 26, 28.

VIDIO LADANA MATAMATA TAUDIA​—“IEHOVA OI TOHOA BONA DO OI ITAIA, IA BE NAMO” ITAIA, BENA INAI HENANADAI HAERELAIA:

• 

  Edena dala ai oi hegaegae emu mauri oi gwauhamatalaia bona bapatiso oi abia totona?

• 

  Edena dala ai kongrigeisen taudia ese oi idia durua diba Iehova oi hesiai henia totona?

• 

  Edena dala ai haroro gaukara ese emu hetura karana Iehova ida ia hagoadaia?

• 

  Iehova ena hesiai gaukara lalonai, edena asainmen oi durua diba?

• Iehova dekenai dahaka gaudia oi moalelaia?