November Ai Dirava Ena Basileia Do Ita Harorolaia Ena Spesel Kempein

Iesu be “Dirava ena Basileia ena sivarai namona” ia harorolaia. (Lu 4:43) Danu, taunimanima ia hadibaia unai Basileia do ia mai totona idia guriguri. (Mt 6:9, 10) November lalonai, do ita gaukara goada Dirava ena Basileia be taunimanima momo dekenai ita harorolaia. (Mt 24:14) Namona be emu sediual oi palanilaia namonamo, unai amo inai kempein oi durua diba. Unai hua lalonai heduru painia idia ura karaia taudia be hora 30 eiava 50 idia hagugurua diba.

Emu teritori ai idia noho taudia dekenai Dirava ena Basileia idia herevalaia Baibel siridia oi gaukaralaia idia oi haroro henia totona. Siri ta oi abia hidi neganai, emu kamonai tauna ena tomadiho oi laloa guna. Bema ta be emu vadivadi ginigunana ai ia kamonai namonamo, vadaeni Gima Kohorona No. 2 2020 pablik gauna ena kopi ta oi henia. Bena dala oi karaia oi giroa lou haraga totona, bona iseda Hadibaia Gaukara Ena Tulu Idauidau amo pablikeisen ta oi gaukaralaia Baibel stadi oi hamatamaia totona. Kahirakahira Dirava ena Basileia ese ia idia inai henia gavamani ibounai do ia hadikaia ore. (Da 2:44; 1Ko 15:24, 25) Unai dainai, inai spesel kempein be nega namona Iehova dekenai ita hahedinaraia ita be Ia bona ena Basileia ena kahanai ita gini!