Haroro Hanamoa Daladia—Telefon amo Haroro Dalana

DAHAKA DAINAI MAI ANINA BADA: Telefon amo ita haroro be mai anina bada badina unai be dala ta ‘sivarai namona, ita gwauraia guguru’ totona. (Ka 20:24)a Bema badina haida dainai ta ita vadivadi henia diba lasi, inai dala ita gaukaralaia diba ta ita haroro henia totona.

KARAIA DALANA:

• 

  Hegaegae namonamo. Topik namona ta oi abia hidi. Bena do oi herevalaia gaudia oi torea. Oi do ia durua gauna ta be emu teibolo dekenai pepa amo oi torea haroro herevadia bona oi do ia durua gaudia haida oi atoa, hegeregere emu mobael fon o tablet be JW Library^® eiava jw.org^® dekenai oi kehoa

• 

  Oi haragaharaga lasi. Herevahereva dalana ai kamonai tauna oi hereva henia. Kiri toana oi hahedinaraia bona emu imana oi gaukaralaia. Oi hereva neganai, oi laga-ani momo lasi. Ma haida ida oi gaukara hebou be mai ena namo. Bema ruma tauna be henanadai ta ia henia, oi gwauraia lou unai amo emu durua tauna ese oi do ia durua haere umui davaria totona

• 

  Dala karaia lou henia totona. Bema ta ia kamonai, namona be henanadai ta oi rakatania unai amo oi rini henia lou neganai, unai henanadai oi haerelaia diba. Reana oi hadibaia, bema ia ura e-mail amo pablikeisen ta oi siaia, eiava iena noho gabuna dekenai oi abia lao o oi siaia diba. Eiava teks meseij o e-mail amo iseda vidio ta o atikol ta oi siaia diba. Bema ia hegeregere, kamonai tauna dekenai iseda websait ai ia noho gaudia oi herevalaia diba