KERISTANI TAUDIA EDIA MAURI DALANA
Iehova Ena Sisiba Ita Badinaia be Lalokau Karana
Kongrigeisen amo helalo-kerehai lasi tauna idia atoa siri neganai, unai ese kongrigeisen ia gimaia bona kerere tauna dekenai matahakani ia henia. (1Ko 5:6, 11) Bema Iehova ena sisiba ita badinaia, ita be lalokau karana ita hahedinaraia. To edena bamona unai do ita hamomokania, bema ta atoa siri karana ese famili bona hahemaoro komiti dekenai lalohisihisi ia havaraia?
Gau badana be Iehova ena ladana bona ena taravatu helagadia ita matauraia. (1Pe 1:14-16) Danu, do ita hahedinaraia idia atoa siri tauna ita lalokau henia. Ena be ia abia matahakani o sisiba be mai ena hisihisi, to unai ese “maino bona kara maoromaoro” do ia havaraia. (He 12:5, 6, 11) Bema kongrigeisen amo idia atoa siri o ia gini siri tauna ita bamoa, ita be Iehova ena matahakani ita matauraia lasi. Laloatao, Iehova be mai “kota maoromaoro bona laloa momokani danu” ena taunimanima ia matahakani henia. (Ie 30:11) Iseda ura badana be idia atoa siri tauna be iseda hebogahisi Tamana dekenai do ia giroa lou. To unai ita naria lalonai, namona be Iehova ese ia henia hakaua daladia ita badinaia bona iseda hetura karana Iehova ida ita hagoadaia noho.—Is 1:16-18; 55:7.
VIDIO LADANA MAI KUDOUNA IBOUNAI IDA DIRAVA OI BADINAIA ITAIA, BENA INAI HENANADAI HAERELAIA:
Keristani tama sina edia natuna ta be Iehova ia rakatania neganai, edia hemami be edena bamona?
Kongrigeisen taudia be edena dala ai orea lalonai idia noho ruma bese taudia idia durua diba?
Edena Baibel sivarai ese ia hahedinaraia Iehova badinaia karana be mai anina bada?
Edena dala ai Iehova badinaia karana ita atoa guna bona famili be gabeai?