Oi Ura Basileia Evanelia Sikuli Dekenai Oi Lao, A?

Emu mauri lagani be 23 bona 65 huanai, bona ful-taim hesiai gaukara oi karaia, a? Emu helt ia namo, bona oi hegeregere pablisa momo lasi gabudia dekenai oi haroro, a? Bema emu haere be oibe, reana aplikeisen oi atoa diba Basileia Evanelia Sikuli dekenai oi lao totona. Klas ginigunana idia hamatamaia negana amo, headava taudia, singul tadikaka bona taihu tausen momo be unai sikuli totona aplikeisen idia atoa. To, ai ura singul tadikaka momo ese unai sikuli totona aplikeisen idia atoa. Iehova oi noia emu ura ia habadaia ia oi hamoalea bona ena Natuna oi tohotohoa totona. (Sa 40:8; Mt 20:28; He 10:7) Bena dala oi karaia emu moni gaukara eiava maduna dekenai senisi haida oi karaia, unai amo do oi hegeregere unai sikuli oi lao totona.

Unai sikuli amo treinini idia abia bona idia gradueit taudia be dahaka hesiai gaukara haida idia moalelaia? Stiuden haida be idau gado gabudia dekenai idia lao eiava spesel pablik haroro gaukara idia durua. Ma haida be substitute sekit naria gaukara, sekit naria gaukara, eiava misinari gaukara idia karaia. Iehova ena hesiai gaukara lalonai oi ura karaia gaudia oi laloa neganai, namona be peroveta tauna Isaia bamona oi gwau: “Lau be inai, do lau lao! Lau do oi siaia”​—Isa 6:8.

VIDIO LADANA MISINARI​—GOGOA GAUKARANA IDIA DURUA TAUDIA ITAIA, BENA INAI HENANADAI HAERELAIA:

• 

  Edena dala ai misinari taudia idia abia hidi?

• 

  Misinari taudia be dahaka gaukara namona idia karaia noho?

• 

  Misinari gaukara ena hahenamo haida be dahaka?