KERISTANI TAUDIA EDIA MAURI DALANA

Alkahol Dekenai Abia Hidi Maorodia Karaia

Vidio ladana, ‘Inuinu Karana Ena Dika Oi Laloa Guna’ ena laulau. Tau ta ese ia dogoatao alkahol kapusi amo gaigai mai ena isena ia raka-lasi.

Keristani taudia ibounai ese alkahol inua karana dekenai sibona idia biagua be namo. (Ao 23:20, 29-35; 1Ko 6:9, 10) Bema Keristani tauna ta ia ura inuinu, sikele dekenai unai ia karaia be namo. Hanaihanai alkahol inua karana bona ma haida hahekwakwanaia karana ia dadaraia be namo. (1Ko 10:23, 24; 1Ti 5:23) Danu, matamata taudia ita doria lasi alkahol idia inua totona.

KATUN VIDIO LADANA INUINU KARANA ENA DIKA OI LALOA GUNA ITAIA, BENA INAI HENANADAI HAERELAIA:

Dahaka dainai Keristani taudia ese alkahol inua karana dekenai taravatu idia badinaia be namo?—Ro 13:1-4
Bema ta ese ita ia doria alkahol ita inua totona, dahaka dainai unai ita dadaraia be namo?—Ro 6:16
Edena dala ai alkahol inua karana ese ia havaraia dika gaudia ita dadaraia diba?