Emu Lalomamina Oi Treinia Noho

Heau helulu tauna ese hanaihanai ena masolo ia treinia be namo, unai amo ia heau haraga diba. Unai hegeregerena, namona be ita hekwarahi noho iseda lalomamina ita treinia totona. (He 5:14) Ena be do ita ura ma haida ese idia karaia disisen ita badinaia, to namona be sibona iseda disisen ita karaia. Dahaka dainai? Badina ita ta ta be ita karaia disisen hegeregerena hahemaoro do ita abia.​—⁠Ro 14:12.

Namo lasi ita laloa lagani momo lalonai ita bapatiso dainai, disisen maorodia do ita karaia. Disisen maorodia ita karaia totona, namona be hanaihanai Iehova, iena Hereva bona iena orea dekenai ita tabekau.​—⁠Ios 1:7, 8; Ao 3:5, 6; Mt 24:45.

VIDIO LADANA “LALOMAMINA NAMONA UMUI DOGOATAO NOHO” ITAIA, BENA INAI HENANADAI HAERELAIA:

• 

  Emma be dahaka disisen do ia karaia?

• 

  Iseda lalomamina do ia hahekwakwanaia gaudia dekenai, dahaka dainai iseda lalohadai ita badinaia lasi?

• 

  Headava tau bona hahine ta ese Emma dekenai dahaka hakaua herevana idia henia?

• 

  Emma be edeseniai heduru maorodia ia tahua?