Samuela Ena Sivarai amo Ita Dibaia Gauna

Samuela be ena mauri ibounai lalonai Iehova ia abidadama henia. Ia maragi neganai, ia ura lasi Eli ena natuna memero, Hopini bona Pineha edia kara ia tohotohoa. (1Sa 2:22-26) Samuela ia tubu daekau noho lalonai, Iehova be ia ida ia do noho. (1Sa 3:19) Ia buruka to Iehova ia badinaia noho, ena be ena natuna memero be ia idia tohotohoa lasi.​—1Sa 8:1-5.

Samuela ena sivarai amo dahaka ita dibaia? Bema oi be matamata tauna ta, namona be oi abia dae Iehova be oi davaria hekwakwanai ia lalopararalaia bona emu hemami ia diba. Oi ia durua diba oi goada totona. (Isa 41:10, 13) Tama sina e, bema emui natuna ta be Iehova ia hesiai henia lasi, Samuela ena sivarai ese umui ia hagoadaia diba, iena natudia memero ia doria lasi Iehova ena taravatu idia badinaia totona. Unai metau be Iehova ena imana dekenai ia rakatania, Dirava ia badinaia noho bona ena guba Tamana Iehova, hamoalea karadia ia karaia. Emui kara namodia ese emui natuna do ia durua Iehova dekenai ia giroa lou totona.

VIDIO LADANA BAIBEL SIVARAIDIA AMO DIBA ABIA​—SAMUELA ITAIA, BENA INAI HENANADAI HAERELAIA:

• 

  Samuela be mero maragi neganai edena dala ai gari lasi karana ia hahedinaraia?

• 

  Danny be edena dala ai gari lasi karana ia hahedinaraia?

• 

  Samuela ia buruka neganai, edena dala ai haheitalai namona ia hahedinaraia?

• 

  Danny ena tama sina be edena dala ai haheitalai namona idia hahedinaraia?