Headava be Noho Hanaihanai Gauna

Iehova ena orea lalonai idia headava tau bona hahine ese Iehova idia hanamoa bona ta ta idia hamoalea. (Mr 10:9) Keristani taudia be do idia adavaia tauna idia ura abia hidi neganai, namona be Baibel ena hakaua herevana idia badinaia unai amo edia headava do ia noho daudau bona idia moale diba.

Emu “matamata negana ia hanaia” murinai ta oi tura henia, badina unai negai mahuta hebou urana be ia goada dainai abia hidi kererena oi karaia diba. (1Ko 7:36) Emu singul negana oi gaukaralaia namonamo emu hetura karana Dirava ida oi hagoadaia bona Keristani kara namodia oi dibaia. Bena gau momo oi karaia diba emu headava ia namo totona.

Ta oi do adavaia lasi neganai, nega oi atoa iena “kudouna ai ia noho gauna” oi dibaia totona. (1Pe 3:4) Bema gau haida dekenai oi daradara, do oi adavaia tau o hahine ida unai oi herevalaia. Taunimanima huanai ia noho hetura karana hegeregerena, headava lalonai henia karana be mai anina bada, to abia karana lasi. (Fp 2:3, 4) Bema oi do headava lasi lalonai Baibel ena hakaua herevadia oi badinaia, do ia auka lasi oi headava murinai unai oi karaia totona. Bona emu headava do oi moalelaia.

VIDIO LADANA HEADAVA TOTONA OI HEGAEGAE​—KAHANA 3: “OI LALOA NAMONAMO” ITAIA, BENA INAI HENANADAI HAERELAIA:

• Taihu ena hetura karana Shane ida be edena bamona?

• Edia hetura karana lalonai dahaka ia itaia?

• Edena dala ai ena tama sina ese idia durua, bona dahaka abia hidi maorona ia karaia?