KERISTANI TAUDIA EDIA MAURI DALANA
Iehova be “Tamana Lasi Natudia Edia Tamana”
Lagani ta ta ai, matamata taudia momo be abia hidi idia karaia Iehova idia tura henia totona. (Sal 110:3) Iehova be umui ta ta ia laloa bada. Ia laloparara oi be hekwakwanai idauidau oi davaria bona ia gwauhamata oi do ia durua ia oi hesiai henia totona. Bema oi be tama eiava sina sibona ruma bese amo oi tubu daekau, laloatao Iehova be “tamana lasi natudia edia tamana.” (Sal 68:5) Ena be emu noho dalana be auka, to Iehova ese oi do ia durua, unai amo do oi kwalimu.—1Pe 5:10.
VIDIO LADANA ABIDADAMA GIMAIA TOTONA IDIA KWALIMU TAUDIA—SINGUL TAMA EIAVA SINA ESE IDIA NARIDIA NATUDIA ITAIA, BENA INAI HENANADAI HAERELAIA:
Tammy, Charles, bona Jimmy edia haheitalai amo dahaka oi dibaia?
Edena bamona Salamo 27:10 ese tama eiava sina sibona ese ia naria natudia ia hagoadaia diba?