Oi be Odio Baibel Oi Gaukaralaia Noho, A?

Odio Baibel be Dahaka? Odio Baibel be New World Translation matamatana ena rekodin. Gado momo ai metairametaira idia halasia noho. Odio Baibel ena namo ta be tadikaka taihu idauidau edia gadona idia gaukaralaia, Baibel ese ia sivarailaia taudia edia gadona idia rekodia totona. Rekodin idia karaia taudia be hemami maorona idia atoa dainai, Baibel ena sivarai idia hahedinaraia namonamo.

Edena dala ai haida be odio Baibel amo namo idia abia? Momo be hanaihanai odio Baibel idia kamonai neganai, Dirava ena Hereva ia hamauria karana idia moalelaia. Danu, Baibel ai idia noho taudia ta ta totona, gadona idauidau idia gaukaralaia. Unai dainai, idia kamonai taudia idia mamia Baibel ai idia vara gaudia idia piksaia diba bona Baibel ena hereva idia lalopararalaia namonamo. (Ao 4:5) Danu, idia lalohekwarahi taudia momo idia mamia odio Baibel idia kamonai neganai, unai ese idia ia durua.​—Sal 94:19.

Dirava ena Hereva idia duahia badabada bona ita kamonai neganai, unai ese ita ia durua. (2Si 34:19-21) Bema oi lalopararalaia gado ai odio Baibel idia halasia, nega do oi atoa hanaihanai emu tomadiho karadia ai oi kamonai totona, a?

VIDIO LADANA ODIO BAIBEL IDIA KARAIA DALANA—ENA KAHANA TA ITAIA, BENA INAI HENANADAI HAERELAIA:

Odio Baibel Idia karaia dalana amo dahaka oi moalelaia?