Emu Famili Oi Durua Idia Moale Noho Totona

Iehova ia ura famili idia moale. (Sal 127:3-5; Had 9:9; 11:9) To inai tanobada ena lalohekwarahi bona iseda famili edia kerere ta ta dainai iseda moale ia maragi diba. Famili ai ta ta be dahaka idia karaia diba, edia famili idia durua idia moale noho totona?

Tau be ena adavana ia matauraia be namo. (1Pe 3:7) Ia dekenai nega bada ia atoa. Ia diba iena adavana ena diba bona goada be mai ena hetoana bona ia bona edia famili totona ia karaia gaudia ibounai ia laloa bada. (Kol 3:15) Ia dekenai ena lalokau ia hahedinaraia bona ia hanamoa.​—Ao 31:28, 31.

Hahine be dala idauidau ai ena tau ia durua. (Ao 31:12) Iena kwara dagina ia matauraia bona ia ida ia gaukara hebou. (Kol 3:18) Mai hebogahisi ida ia hereva henia bona ma haida vairanai ena tau ia gwauraia dika lasi.​—Ao 31:26.

Tama sina be edia natudia dekenai edia nega bada idia atoa be namo. (De 6:6, 7) Danu edia natudia idia hamaoroa idia lalokau henidia. (Mat 3:17) Mai lalokau bona laloparara ida idia dekenai matahakani idia henia.​—Ef 6:4.

Natudia be edia tama sina idia matauraia bona kamonai henia. (Ao 23:22) Edia tama sina dekenai edia lalohadai bona hemami idia gwauraia hedinarai. Matahakani idia abia dae bona idia badinaia.​—Ao 19:20.

VIDIO LADANA FAMILI LALONAI MOALE HAVARAIA ITAIA, BENA INAI HENANADAI HAERELAIA:

Famili lalonai moale ia noho totona, idia ta ta be dahaka idia karaia?