KERISTANI TAUDIA EDIA MAURI DALANA
Mamoe Naria Taudia be Dirava Ena Taunimanima Totona Idia Gaukara Goada
Taunimanima momo be mai edia siahu taudia idia trast lasi. Unai ena badina ita lalopararalaia. Idaunegai, mai edia dagi bada taudia be sibona edia namo tahua totona dala kererena ai edia siahu idia gaukaralaia. (Mi 7:3) Ita moale badina kongrigeisen ai elda taudia be treinin idia abia edia siahu idia gaukaralaia Iehova ena taunimanima idia naria totona.—Est 10:3; Mt 20:25, 26.
Elda taudia be inai tanobada ai mai edia dagi taudia bamona lasi, idia be elda dagina abia totona idia gaukara goada badina Iehova bona ena taunimanima idia lalokau henia. (Ioa 21:16; 1Pe 5:1-3) Iesu ena hakaua henunai, mamoe naria taudia ese pablisa ta ta idia durua unai amo do idia mamia idia be Iehova ena ruma bese lalonai idia noho bona Iehova kahirakahira idia lao diba. Karaharaga, Iehova ena mamoe dekenai hagoadaia hereva idia henia bona bema ta be medikol heduru ia ura o disasta ta ia vara neganai, heduru idia henia. Bema heduru oi ura, emu kongrigeisen ena elda ta oi rini henia be namo.—Ia 5:14.
VIDIO LADANA MAMOE NARIA TAUDIA BE MAMOE SERI IDIA LALOA BADA ITAIA, BENA INAI HENANADAI HAERELAIA:
Edena dala ai elda taudia edia heduru amo Mariana be namo ia abia?
Edena dala ai elda taudia edia heduru amo Elias be namo ia abia?
Unai ekspiriens ese edena dala ai oi ia durua elda taudia edia gaukara oi laloa totona?