KERISTANI TAUDIA EDIA MAURI DALANA

Tomadiho ta Idia Badinaia Lasi Taudia Ita Durudia Havaraia Tauna Idia Diba Totona

Nega ta, tomadiho ta ia badinaia lasi tauna oi itaia neganai ia auka oi haroro henia totona, a? Reana oi laloa oi do ia kamonai henia lasi dainai, a? Laloatao, tomadiho ta idia badinaia lasi taudia momo, hegeregere, atheist o Dirava be lasi lalohadaina idia abia dae taudia danu, be Iehova ena Witnes taudia ai idia lao. Nega haida idia ura ta ese idia ia durua hamomokania gaudia amo idia hahedinaraia Dirava be ia noho.—Ro 1:20; 10:14.

VIDIO LADANA LALOATAO—ABIDADAMA LASI TAUDIA IDIA ABIDADAMA DIBA! MAI EDIA TOMADIHO LASI TAUDIA ITAIA, BENA INAI HENANADAI HAERELAIA:

Edena dala ai Tommaso ena ekspiriens ese oi ia durua tomadiho ta idia badinaia lasi taudia oi haroro henia totona?

Emu haere

Karaia dalana

Bema tau ta ia gwau Dirava ia abidadama henia lasi, namo lasi oi badu, to mai aonega bona momokani ida unai topik dekenai ena lalohadai oi kamonai. (2Ti 2:24) Ena lalona do ia veria topik be ia ida oi herevalaia. Ia ura Havaraia Tauna be ia noho ena hamomokania gaudia umui herevalaia, a? Badina unai topik herevalaia karana ese momo ia durua Havaraia Tauna idia abidadama henia totona. Bema ia ura, vadaeni unai topik idia herevalaia pablikeisen bona vidio oi gaukaralaia. Buklet ladana Was Life Created? bona The Origin of Life—Five Questions Worth Asking be Hadibaia Gaukara Ena Tulu Idauidau lalonai idia atoa dainai, ita davaria haraga diba.

Matamanai, do oi ura lasi Dirava ia abidadama henia lasi tauna ida hereva momokani oi herevalaia. Heduru totona mai ena ekspiriens pablisa ta oi noia diba. Laloatao, Iehova ese ita do ia durua kudou maoro taudia ita durua totona, herevana matamanai idia abia dae lasi Dirava be ia noho.—Ka 13:48.