Maoro Bona Kerere: Ita Ibounai ese Ita Laloa Gauna

Bema oi ura nega ginigunana gabu ma ta dekenai oi lao, dahaka do oi karaia?

1. 1. Oi sibona ese oi abia hidi dalana dekenai oi lao be namo.

2. 2. Haida oi badinaia sibona, badina oi laloa idia be dala idia diba.

3. 3. Oi trast henia diba infomeisen, hegeregere GPS, mapu, eiava dala ia diba turana ta oi tahua.

Bema namba 1 o namba 2 oi abia hidi, gabu ta dekenai oi lao diba to unai be oi ura lao henia gabuna lasi. To bema 3 oi abia hidi, oi diba oi ura lao henia gabuna dekenai do oi ginidae.

Iseda mauri be laolao ta bamona, ita ura vaira nega ai do ita moale. Ita moale totona, disisen ita karaia neganai, edeseniai hakaua herevadia ita abia be gau badana.

Ita karaia abia hidi momo be maragidia, to haida be mai anina bada. Iseda abia hidi ese iseda lalohadai maoro bona kerere dekenai ia hahedinaraia. Unai bamona abia hidi ese nega daudau lalonai ita bona iseda lalokau taudia dekenai namo o dika ia havaraia diba. Unai abia hidi be inai bamona gaudia dekenai:

• Mahuta hebou karana bona headava

• Kara momokani, gaukara, bona moni

• Natudia naria dalana

• Haida kara henia dalana

Edena dala ai do oi diba momokani emu abia hidi ese oi bona emu famili dekenai namo bona moale do ia havaraia?

Ita ibounai ese ita laloa henanadai be inai: Dahaka ese lau do ia durua maoro bona kerere ena idau lau diba totona?

Inai magasin ese Baibel ena hakaua hereva ita trast henia diba ena badina bona ita ia durua diba dalana ia herevalaia.