Point Badadia Oi Laloa Lou

Nega haida oi stadilaia gaudia oi laloatao be auka, a? Ita ibounai dekenai unai ia vara. Dahaka ese oi ia durua diba? Point badadia oi laloa lou.

Oi stadi lalonai, namona be nega oi atoa oi dibaia point badana oi laloa totona. Aposetolo Paulo ese tadikaka taihu ia hagoadaia, ena revareva idia duahia lalonai inai bamona do idia karaia, ia gwau: “Vadaeni, ita herevalaia gaudia edia hereva badana be inai.” (Heb. 8:1) Unai amo idia ia durua ena hereva ena anina bona point ta ta ese ena sinado ia durua dalana idia lalopararalaia totona.

Reana oi stadi murinai, miniti 10 lalonai oi stadilaia gauna ena point badadia oi laloa lou. Bema point badadia oi laloatao namonamo lasi, hereva kwarana maragidia oi itaia lou eiava paragraf ena sentens ginigunadia oi duahia, unai amo oi stadilaia gaudia oi laloatao diba. Bema gau matamata ta oi dibaia, sibona emu hereva amo ena anina oi gwauraia. Point badadia oi laloa lou neganai, unai ese emu laloatao dalana do ia durua bona emu mauri ai oi badinaia dalana do oi lalopararalaia.