Baibel be Hevarivari Bamona Oi Gaukaralaia

Hahediba tauna Iamesi ese Baibel be hevarivari ida ia hahegeregerea, ia be ita ia durua ita sibona ita sekea totona. (Iam. 1:22-25) Edena dala ai Baibel be hevarivari bamona ita gaukaralaia namonamo diba?

Baibel duahia namonamo. Bema hevarivari dekenai sibona ita itaia haraga, reana momoru ta eiava iseda toana do ita itaia namonamo lasi. To sibona ita sekea namonamo totona, namona be Dirava ena Hereva ita duahia namonamo.

Sibona oi itaia, to ma haida lasi. Nega haida hevarivari amo ma haida oi itaia diba. Unai hegeregerena, do ita ura Baibel ita gaukaralaia ma haida edia kerere ita itaia totona. To unai ese ita do ia durua lasi, ita sibona ita hamaoromaoroa totona.

Laloa maoromaoro. Bema hevarivari amo ita ura henia lasi gaudia sibona ita itaia, do ita lalohisihisi. Namona be ita laloa maoromaoro unai amo Dirava ena Hereva ita duahia neganai iena ura dalana do ita badinaia.—Iam. 3:17.