Oi Stadilaia Gaudia be Ma Haida Oi Hadibaia

Sibona iseda stadi karana ese ita ia hagoadaia, to ita dibaia point namodia be ma haida dekenai ita herevalaia neganai, unai ese ita ia durua bada. Aonega Herevadia 11:25 ia gwau: “Ma haida dekenai ranu ia henia tauna dekenai ranu do idia henia.”

Ita dibaia gaudia be ma haida dekenai ita herevalaia neganai, point badadia do ita laloatao bona iseda diba do ita habadaia. Bona unai point namodia ese ma haida do ia durua dainai, ita moale idia dekenai ita herevalaia totona.—Kara 20:35.

Inai oi tohoa: Vaira wiki ai, dala oi tahua oi dibaia gaudia be ma ta dekenai oi herevalaia totona. Reana unai be emu ruma bese tauna ta, kongrigeisen tauna ta, gaukara turana, sikuli turana, o haroro gaukara ai oi davaria tauna ta. Bona auka lasi dalanai sibona emu herevahereva dalana amo oi gwauraia namonamo.

Laloatao: Namona be ma haida oi hagoadaia totona oi dibaia gaudia be idia dekenai oi gwauraia, to emu diba oi heagilaia totona lasi.—1 Kor. 8:1.