Majinol Referens Ena Namo

Nega Matamata Trensleisen Ena Buka Helaga ena majinol referens ese ia hahedinaraia Baibel ena siri haida edia infomeisen haida be siri ma haida dekenai idia noho. Majinol referens be hereva ta badinai do oi itaia, ia be alfabet ena leta ta. Bema oi be idia printaia Baibel oi gaukaralaia, hereva ta badinai idia noho leta maragidia ida ia hegeregere leta be rau ena huanai oi tahua. Rau huanai be unai leta bona durua siridia idia noho. Iseda websait jw.org eiava JW Library^® app lalonai, unai leta maragina oi klik neganai, ena durua siri ma haida do oi itaia.

Majinol referens ese oi ia durua diba inai bamona siri haida oi davaria totona:

Sivarai Tamona: Referens siri ese sivarai ena kahana haida ia herevalaia. Hegeregere, 2 Samuela 24:1 bona 1 Sivarai 21:1 itaia.

Siri ta Ena Hereva: Referens siri ese ia hahedinaraia unai hereva be edeseni amo. Hegeregere, Mataio 4:4 bona Deuteronomi 8:3.

Guguru peroveta herevadia: Referens ese peroveta herevana ena guguru dalana ia hahedinaraia. Hegeregere Mataio 21:5 bona Sekaraia 9:9.