Taunimanima 6 Milioni be COVID Dainai Idia Mase​—⁠Baibel be Dahaka Ia Gwau?

World Health Organization (WHO) ena ripoti ia hahedinaraia, May 23, 2022 ia hamatamaia amo, taunimanima 6.27 milioni be COVID-19 dainai idia mase. To, May 5, 2022 ai idia halasia nius ese ia hahedinaraia, WHO ia gwau idia mase taudia ena namba ese unai namba ia hanaia momokani. Lagani 2020 bona 2021 ai, “COVID-19 pandemic amo idia mase taudia ena namba ia daekau, hegeregere. . . 14.9 millioni bamona.” Oi laloa Baibel ese unai bamona hekwakwanai ia perovetalaia, a?

Baibel ese mase ia havaraia gorere dikadia ia perovetalaia

•  Iesu ia peroveta gorere idauidau, daihanai “gorere dikadia momo” do idia vara, Baibel ese unai negadia ia gwauraia “dina gabedia.”​—⁠Luka 21:11, Contemporary English Version; 2 Timoteo 3:1.

Iesu ena peroveta herevana be ia guguru noho. Diba ma haida abia totona, atikol ladana “What Is the Sign of ‘the Last Days,’ or ‘End Times’?” oi duahia.

Baibel amo lalogoada herevadia ita abia

•  “Lalogoada ibounai ia henia Diravana. Iseda hisihisi ibounai lalonai . . . ita dekenai lalogoada ia henia noho.”​—⁠2 Korinto 1:3, 4.

Momo be mase dainai edia lalokau taudia idia haboioa, to Baibel ena sivarai amo lalogoada idia abia. Diba ma haida abia totona, atikol ladana, “Lalohisihisi Haheaukalaia Dahaka Oi Karaia Diba Hari?” bona “Heduru Namodia Idia Lalohisihisi Taudia Totona” oi duahia.

Baibel ese gorere haorea vaitaini dalana ia gwauraia hedinarai

•  “Oiemu Basileia ia mai be namo. Emu ura gauna tanobada dekenai ia vara be namo, guba dekenai ia vara bamona.”​—⁠Mataio 6:10.

Daudau lasi, “Dirava ena Basileia” ese kara ta do ia karaia, unai amo “ta do ia gwau lasi: ‘Lau gorere.’” (Mareko 1:14, 15; Isaia 33:24) Inai vidio, Dirava Ena Basileia be Dahaka? oi itaia, unai guba gavamani bona do ia karaia gauna oi diba totona.

Oi ai invait Baibel ese ia herevalaia gaudia dekenai diba ma haida oi abia totona, unai amo oi bona emu famili ese Baibel ena aonega sisiba bona gwauhamata herevadia dekenai namo umui abia diba.