Henanadai Mauana

◼ Edena negai ia goada ia lao Baibel stiuden ena stadi ita hadokoa?

Namona be ia goada ia lao Baibel stiuden ena stadi ita karaia ela bona Baibel be Dahaka Ia Hadibaia? bona“Dirava Ena Lalokau Lalonai Do Umui Noho” bukadia ia haorea. Ena be stadi tauna ia bapatiso, to unai buka ruaosi ia stadilaia ore be namo. Ia bapatiso murinai, ita stadi henia ena hora, lou henia, bona stadi ita ripotilaia noho. Bema pablisa ta be ita ia bamoa bona unai stadi lalonai ia helai vareai, vadaeni ia danu ese hora ia ripotilaia diba.​​—April 2011, Iseda Basileia Gaukara, rau 2 itaia.

Stadi taudia matamatadia be hereva momokani lalonai idia gini goada be gau badana, unai murinai edia stadi ita hadokoa diba. Namona be Keriso lalonai do idia “gini goada” bona edia ‘abidadama lalonai do idia goada noho,’ unai amo do idia davaria hahetoho idia hanaia diba. (Kol. 2:​6, 7; 2 Tim. 3:12; 1 Pet. 5:​8, 9) Danu, ma haida idia hadibaia namonamo totona, namona be “hereva momokani ena diba maoromaoro” idia abia. (1 Tim. 2:4) Iseda stadi taudia ida unai buka rua ita stadilaia ore amo, idia ita durua “mauri ia lao henia dalana” ai idia gini goada totona.​​—Mat. 7:​14.

Elda taudia ese bapatiso ia ura abia tauna dekenai gwaumaoro idia do henia lasi neganai, namona be idia itaia ia be Baibel ena hahediba hereva badadia ia lalopararalaia namonamo bona ia badinaia noho. Bema bapatiso ia ura abia tauna be Baibel Hadibaia bukana ia do haorea lasi, namona be elda taudia idia tahua namonamo ia be bapatiso totona ia hegeregere eiava lasi. Bema ia hegeregere lasi, elda taudia be dala do idia karaia heduru ma haida ia abia, unai amo do ia hegeregere gabeai bapatiso ia abia totona.​​—Iehova Ena Ura Ia Karaia Orea bukana, rau 217-​218 itaia.

[Blurb on page 3]

Stadi taudia matamatadia be hereva momokani lalonai idia gini goada be gau badana