‘Lau Atoa Diho Diba Lasi’

CARIBBEAN ena motumotu ta, ladana St. Lucia, dekenai sitoa biaguna ta ese buka ta, ladana Mauri Hanaihanai Paradaiso Lalonai ia abia. Ia henia tauna ese ena sivarai ia torea, ia gwau:

“Pura ia do doko lasi neganai, nega toi unai sitoa hahinena ese lau ia boiria, ena sitoa vairanai lau raka hanai negadiai. Ia abia bukana ena hereva haida ia duahia vadaeni, bona ia ura lau ese hel, lauma, Maria be Dirava ena sinana lasi herevadia bona ma hereva haida lau gwauraia hedinarai. Ena be unai hahine be ena sitoa dekenai ia bisi momo bona buka duahia ia laloa momo lasi, to unai buka be pura rua lalodiai ia duahia ore. Ia gwau: ‘Guna lau be buka lau duahia momo lasi, to hari be idau; ena be egu kwarana ia hisihisi, to inai buka lau atoa diho diba lasi.’”

Unai buka ese Bible ena hereva badadia, taunimanima idia hepapahuahulaidia herevadia, ia gwauraidia. Ena hereva be haraga bona taunimanima edia henanadai momo ia haerelaidia. Ta oi abia oiemu, bena do oi diba dahaka dainai taunimanima momo idia ura henia bada.