-
Kahana 11—Baibel Stadi Namodia KaraiaBasileia Gaukara—2005 | July
-
-
taunimanima be ruma dekenai oi davaria totona do oi vadivadi henidia loulou. Stiuden tauna dekenai oi hahedinaraia do ia lou henia ena nega do ia abia hidi, bona ia gwauraia negana ai ia lou henia be gau badana. (Mat. 5:37) Namona be pablisa matamata oi hadibaia mamoe bamona taudia ia tahua bona edia ura ia habadaia noho lalonai, ia manau, ma haida ia laloa bona hemataurai ia hahedinaraia.—Tito 3:2.
-
-
Hadibaia HerevaBasileia Gaukara—2005 | July
-
-
Hadibaia Hereva
◼ July bona August: Inai rau 32 buklet oi gaukaralaia diba: Dirava ese Ita Ia Laloa Eiava?, Mauri Hanaihanai Tanobada Dekenai Oi Abia!, “Itaia! Lau ese Gau Iboudiai Lau Hamatamataia,” Toi Tamona Oi Abia Dae be Namo, Eiava?, Inai Gavamani ese Paradaiso Do Ia Mailaia, Ita Mase Neganai Dahaka Ia Vara Ita Dekenai?, Mauri Ena Anina be Dahaka—Edena Bamona Oi Davaria Diba?, Oiemu Lalokau Tauna ta Ia Mase Neganai, bona Mase Taudia Edia Lauma—Oi Idia Durua Diba Eiava Oi Idia Hadikaia Diba, A? Idia be Momokani Idia Noho, A? September: Mauri Hanaihanai Paradaiso Lalonai bukana eiava buka maragina ma ta oi hariharilaia diba. October: Watchtower bona Awake! magasin edia kopi ta ta do ita hariharilaia. Idia kamonai neganai, mani emu kara Dahaka Ita Karaia? buklet hariharilaia.
◼ September amo ia matamaia, sekit naria taudia ese pablik tok ladana “Dahaka Dainai Baibel ese Ita Ia Hakaua be Namo?” do idia henia.
◼ Namona be regula painia idia ura karaia taudia be dina 30 bamona idia do noho edia gaukara idia hamatamaia totona neganai, brens opesi dekenai edia aplikeisen do idia siaia. Unai idia do karaia lasi neganai, namona be kongrigeisen seketere ese fom ia sekea namonamo idia hahonua momokani eiava lasi. Bema aplikeisen idia hahonua taudia ese edia bapatiso dinana maorona idia laloaboio, ia kahirakahira dinana ta idia abia hidi bena idia torea bona do idia laloatao be namo. Seketere ese Congregation’s Publisher Record (S-21-E) kadi dekenai unai deit ia torea be namo.
◼ Namona be kongrigeisen ena seketere taudia ese kongrigeisen dekenai idia noho regula painia taudia ta ta edia Regula Painia Abia Hidi fom (S-202-MO) idia dogoatao. Bema idia dekenai ia noho lasi, mani brens opesi idia tore henia. Painia ta ena gaukara umui kokia, kongrigeisen ma ta dekenai ia lao, eiava ena ladana ia haidaua neganai, namona be S-202-MO ena murina kahanai ia noho hadibaia hereva umui badinaia.
◼ International Bible Students Association of Papua New Guinea Incorporated edia lagani ta ta ena hebou badana be Saturday, October 1, 2005, 4:00 p.m. brens opesi dekenai do idia karaia.
-
-
Natudia Durua Haroro Dekenai Idia Goada Idia Lao TotonaBasileia Gaukara—2005 | July
-
-
Natudia Durua Haroro Dekenai Idia Goada Idia Lao Totona
1 Keristani tama sina be mai edia maduna badana edia natudia idia do maragi neganai, idia dekenai haroro dalana idia hadibaia totona. Dala idauidau ai unai idia karaia diba. Ena be natudia haida be duahiduahi karana idia do diba matamaia lasi, to Baibel siri ta be sibona edia lalohadai amo idia gwauraia diba. Unai ese kamonai taudia edia lalona ia hamarerea diba. Maragidia idia tubu neganai, haroro gaukara idia habadaia diba. Umui tama sina e, edena dala ai emu natudia umui durudia diba haroro gaukara idia karaia totona? Reana henunai idia torea herevana ese umui do ia durua.
2 Hanamoa herevana oi gwauraia murinai, reana oi gwau:
◼ “Lauegu natuna mero, [ena ladana], ia ura oi dekenai inai mai anina bada sirina ia duahia.” Bena emu natuna do ia gwau: “Salamo lalonai ia noho siri ta ese lau dekenai Dirava ena ladana ia hadibaia. [Natuna ese Salamo 83:18 ia duahia eiava ia gwauraia.] Inai magasin be Iehova Dirava ese ita totona do ia karaia gauna ia herevalaia. Ia namo oi ida lau rakatania?” Bena dokonai, tama eiava sina ese tanobada ibounai gaukarana ita durua dalana ia herevalaia.
3 Eiava oi gwau diba:
◼ “Namo. Lau be egu natuna kekeni, [ena ladana], lau hadibaia noho, iseda komiuniti ai idia noho taudia ia laloa bada totona. Ia ura oi dekenai Baibel siri ta ia duahia.” Bena natuna do ia gwau: “Lau ura taunimanima lau durua dalana ta be, idia dekenai Baibel ena helaro nega vaira totona lau gwauraia. [Natuna ese Apokalupo 21:4 ia duahia eiava ia gwauraia.] Inai magasin ese Dirava ena Basileia be ita totona do ia karaia gaudia ia herevalaia. Lau laloa inai magasin ena hereva do oi moalelaia.”
4 Hanaihanai auka lasi hamatamaia herevadia gaukaralaia karana ese natudia do ia durua, mai gari lasi ida Basileia ena sivarai idia harorolaia totona. Nega oi atoa idia oi hadibaia loulou idia hereva namonamo totona bona edia gado regena ena bada ia hegeregere be namo. Maragidia danu ita hegaegae namonamo guna bona mai momokani ida idia ita hanamoa karana ese do ia durudia edia abidadama idia gwauraia hedinarai totona.
5 Unai bamona hagoadaia herevadia dainai, matamata momo be bapatiso lasi pablisa ai idia lao. Ita itaia iseda natudia ese Keristani haroro gaukara idia goadalaia neganai, ita moale!—Sal. 148:12, 13.
-