Kongrigeisen Heboudia Ena Senisi Haida

September 3 purana ia matamaia neganai, Kongrigeisen Baibel Stadi be miniti 25 lalonai do ita karaia lasi, to miniti 30 lalonai do ita karaia. Unai stadi ia hakaua tadikaka be miniti ta lalonai pura gunana ena stadi ia riviulaia be namo. Hesiai Hebou be miniti 35 lalonai do ita karaia lasi, to miniti 30 lalonai do ita karaia. Hesiai Hebou ena sediual ai hadibaia herevadia ena kahana do ia noho lasi. Unai dainai, kahana ginigunana ia karaia tadikaka ese hadibaia hereva haida ia gwauraia diba, to sediual ai ia noho kahana ta ta do ia gwauraia lasi. Hadibaia hereva ma haida, hegeregere Kingdom Hall hagoevaia bona haroro gaukara edia sediual, bona kongrigeisen ma haida ese idia siaia hanamoa herevadia be platfom amo ia duahia lasi. (km 10/08 rau 1, par. 5) Bema hadibaia hereva ta be ia lata, vadaeni kahana ta ta do idia henia tadikaka umui hadibaia guna be namo, unai amo edia kahana idia hakwadogia diba.