Nega Ibounai Notisbod Oi Sekea, A?

Elda, hesiai taudia, bona kongrigeisen ai maduna idauidau idia huaia tadikaka be nega ibounai notisbod idia sekea bema idia be mai edia kahana eiava lasi. To, kongrigeisen taudia ibounai ese notisbod dekenai mai anina bada herevadia idia itaia diba. Kingdom Hall do umui hagoevaia negana oi diba, a? Sekit naria tauna o brens ofesi be kongrigeisen dekenai mai anina bada revareva ia siaia, a? Emu Baibel stiuden oi invait totona, inai wiki ena pablik tok ena sinado oi diba, a? Hebou negadia bona haroro grup idia haidaua be oi diba, a? Hari, hebou negadiai unai bamona hadibaia herevadia idia gwauraia lasi, bona elda taudia be pablisa ta ta do idia hadibaia lasi. Unai dainai, namona be nega ibounai notisbod ita sekea. Unai bamona ita karaia neganai, gau ibounai do ita ‘karaia namonamo bona dala maorona ai do ita karaia.’—1 Kor. 14:40.