Dirava ese Ita Ia Hereva Henia Dalana

Dirava be Baibel amo ita ia hereva henia. 2 Timoteo 3:16

Dirava momokanina ena hahekau henunai, tatau haida ese Dirava ena lalohadai be buka helaga ta dekenai idia torea. Iena ladana be Baibel. Unai buka lalonai Dirava ia ura oi diba gaudia idia noho.

Dirava ia diba dahaka be namo ita totona, bona ita dekenai aonega korikori ia henia diba. Ia oi kamonai henia neganai, aonega tauna ai do oi lao.​—Efeso 1:17; Luka 11:28.

Dirava ia ura taunimanima ibounai ese Baibel idia duahia. Hari, Baibel be gado momo ai idia hahanaia vadaeni.

Bema oi ura Dirava oi kamonai henia, Baibel oi duahia bona lalopararalaia be namo.

Taunimanima momo herea be Dirava idia dibaia noho. Mataio 28:19

Iehova ena Witnes taudia ese oi idia durua diba Baibel oi lalopararalaia totona.

Tanobada ibounai, idia ese Dirava ena hereva momokani be taunimanima dekenai idia hadibaia.

Edia hadibaia karana be davana lasi. Danu, Iehova ena Witnes taudia edia Kingdom Hall ai Dirava oi dibaia diba.