Hadibadia Iehova Idia Hesiai Henia Noho Totona

Ekspiriens momo ese idia hahedinaraia, matamana amo haroro gaukara totona idia hadibaia pablisa matamatadia be nega momo pablisa goadadia ai idia lao. (Ao 22:6; Fp 3:16) Stiuden tauna be haroro gaukara ia karaia namonamo totona heduru daladia haida be inai:

• Bema stiuden tauna be pablisa ai ia lao, ia oi hadibaia matamaia diba. (km 8/15 1) Ia oi hadibaia, dina ta ta ai haroro gaukara ita karaia be mai anina bada. (Fp 1:10) Ia dekenai teritori oi herevalaia neganai, oi hagoadaia. (Fp 4:8) Bona ia oi hagoadaia grup ia naria tauna bona pablisa ma haida ida ia gaukara hebou, unai amo edia haheitalai amo diba ia abia.​—⁠Ao 1:5; km 10/12 6 par. 3

  

• Emu stiuden tauna ia bapatiso murinai, ia oi hagoadaia bona hadibaia karana oi hadokoa lasi, bema ia be “Dirava ena lalokau” bukana ia do stadilaia noho.​—⁠km 12/13 7

  

• Pablisa matamata ida haroro gaukara umui karaia neganai, ia auka lasi haroro herevadia ta oi gaukaralaia. Ena haroro herevana oi kamonai murinai, ia oi hanamoa. Danu, ia dekenai heduru herevadia oi gwauraia, unai amo ena haroro dalana ia hanamoa diba.​—⁠km 5/10 7