STADI 7

Hamomokania Gaudia Gaukaralaia

Luka 1:3

POINT BADANA: Hamomokania gaudia oi gaukaralaia unai amo kamonai taudia idia abia dae oi gwauraia herevana be momokani.

Hamomokania gaudia tahua bona gaukaralaia. Namona be Dirava ena Hereva amo emu hereva oi hamomokania, bona bema ia hegeregere oi duahia. Bema saiens herevana, nius sivaraina, haheitalai ta eiava heduru hereva ma ta oi herevalaia neganai, namona be oi gaukaralaia hamomokania gaudia oi tahua namonamo.
Hamomokania gaudia gaukaralaia namonamo. Baibel ena sivarai ibounai bona “Igui hesiai tauna mai ena kamonai bona mai ena kara maoromaoro” ese ia torea hereva oi tahua namonamo bona herevalaia. (Mat. 24:45) Bema taunimanima ma haida ese idia torea herevana ta oi ura gaukaralaia, namona be ia torea hereva bona lalohadai oi haidaua lasi.

Sivarai bona namba haidaua lasi. Reana oi duahia sivaraina ai ia gwau “taunimanima haida,” to oi gwau “taunimanima iboudiai.” Eiava ia gwau “nega haida” to oi gwau “nega iboudiai.” Eiava “momokani” to oi gwau “reana.”
Hamomokania gaudia edia badina hahedinaraia. Baibel siri ta eiava sivarai ta oi duahia murinai, henanadai o haheitalai namodia oi gaukaralaia kamonai taudia oi durua oi gwauraia hereva ena anina idia lalopararalaia totona.