STADI 4

Baibel Siri Hahedinaraia Namonamo

Mataio 22:41-45

POINT BADANA: Kamonai taudia edia lalona oi hegaegaelaia guna, gabeai Baibel siri oi duahia.

Oi duahia Baibel siri ena badina oi laloa. Baibel siri oi do duahia lasi neganai, oi herevalaia sisina unai amo kamonai taudia oi durua unai siri ai oi ura hahedinaraia point idia lalopararalaia totona.

Badina siridia oi laloa. Bema siri ta oi duahia bona oi ura hahedinaraia daika ese unai hereva ia gwauraia eiava daika ese unai Baibel bukana ia torea, namona be ena ladana maorona oi gwauraia.
Oi Hahedinaraia Baibel be mai ena siahu. Bema Dirava idia abia dae taudia oi hereva henidia, namona be oi hahedinaraia Baibel be Dirava ena Hereva bona ia amo aonega do ita abia.
Kamonai taudia durua Baibel siri idia laloa totona. Henanadai ta oi henia bena Baibel siri ta amo haere oi henia. Taunimanima ese idia davaria hekwakwanai ta oi herevalaia bena Baibel siri amo hamaoromaoroa dalana oi hahedinaraia, eiava Baibel ena sivarai ta amo hakaua herevana ta hahedinaraia.

Do oi herevalaia topik bona siri ai, kamonai taudia ese unai topik bona siri ai idia diba vadaeni gaudia oi laloa be namo. Idia diba vadaeni siri ena point ma ta oi hahedinaraia, bona kamonai taudia oi durua unai siri ena anina ma ta idia lalopararalaia totona.