STADI 2

Herevahereva Dalana

2 Korinto 2:17

POINT BADANA: Namona be herevahereva dalanai oi hahedinaraia oi gwauraia topik bona idia kamonai taudia oi laloa bada.

Oi hegaegae namonamo mai guriguri ida. Heduru totona oi guriguri neganai, sibona oi laloa lasi, to do oi gwauraia herevana laloa bada. Do oi gwauraia point badadia oi laloa be namo. Sibona emu herevahereva dalanai tok ena point oi herevalaia, to idia torea herevadia oi duahia lasi.

Bema oi ura Baibel eiava pablikeisen ma ta oi duahia, namona be oi hegaegae guna, bena oi duahia namonamo diba. Bema taunimanima ta ese ia gwauraia herevana oi duahia, mai emu hemami ida oi duahia be namo.
Mai emu kudouna ibounai ida oi hereva. Kamonai taudia ese do oi gwauraia hereva idia kamonai ena badina oi laloa be namo. Idia oi laloa bada. Bena emu gini dalana, imana gaukaralaia dalana, bona emu vairana toana amo hemami oi hahedinaraia.

Oi harorolaia sivaraina be mai anina bada dainai, namona be mai gado namo bona hemataurai ida oi hereva.
Kamonai taudia oi itaia. Namona be taunimanima oi itaia neganai, edia hemami oi laloa danu. Tok oi henia lalonai kamonai taudia ta ta oi itaia, namo lasi gabu tamona sibona oi itaia eiava helai taudia edia vairana oi itaia lasi.