Iseda Haroro Bona Mauri Dalana Hebou Pepana Edia Referens
MAY 2-8
BAIBEL ENA HEREVA BADADIA | 1 SAMUELA 27-29
“Davida be Tuari Lalonai Aonega Ia Gaukaralaia”
Iehova Ena Ladana Ita Hanamoa Hebou
7 Davida be Nobu hanua amo kilomita 40 bamona ia heau lao Pilistia tanona dekenai, bona Goliata ena hanua Gata dekenai, King Akisi ena heduru ia tahua. Reana Davida ia laloa Gata dekenai Saulo ese ia do ia tahua lasi. To, Gata ena king ena hesiai taudia be Davida ena toana idia diba. Davida ia kamonai unai hesiai taudia be ia idia herevalaia neganai, “Akisi, Gata ena king dekenai ia gari bada.”—1 Samuela 21:10-12.
8 Vadaeni, Pilistia taudia ese Davida idia dogoatao. Unai nega ai Davida be Iehova dekenai ia noinoi bona inai Salamo ia gwauraia: “Egu matana ena ranu be oiemu kavabu dekenai do oi udaia.” (Salamo 56:8) Ia diba momokani Iehova ese ena lalohekwarahi do ia itaia bona mai lalokau ida ia do ia naria bona gimaia. Danu, Davida be palani ta ia karaia Pilistia ena king ia koia totona. Ia ese kavakava tauna ena kara ia tohotohoa. King Akisi be unai ia itaia neganai, ena hesiai taudia ia gwau henia badina idia ese “kavakava momokani” tauna idia mailaia ia dekenai. Momokani, Iehova ese Davida ena palani ia durua. Davida be kahirakahira idia hamasea, to unai ia karaia dainai hanua amo idia lulua.—1 Samuela 21:13-15.
Tadikaka Matamatadia—Haida ese Umui Idia Abidadama Henia Diba, A?
8 Davida ese ia davaria hekwakwanai ma ta mani ita itaia. Samuela ese ia horoa king ai do ia lao, to Davida be lagani momo ia naria murinai Iuda ena king ai idia halaoa. (1 Sam. 16:13; 2 Sam. 2:3, 4) Dahaka ese Davida ia durua ia haheauka totona? Ia lalomanoka lasi, to ia karaia diba gaukara ia karaia. Hegeregere, Davida be Filistia tanona ai ia hunia lalonai, Israela besena ena inai taudia ia tuari henidia. Unai amo ia ese Iuda tanona ena hetoana ia gimaia.—1 Sam. 27:1-12.
it-2 245 par. 6
Lie
While malicious lying is definitely condemned in the Bible, this does not mean that a person is under obligation to divulge truthful information to people who are not entitled to it. Jesus Christ counseled: “Do not give what is holy to dogs, neither throw your pearls before swine, that they may never trample them under their feet and turn around and rip you open.” (Mt 7:6) That is why Jesus on certain occasions refrained from giving full information or direct answers to certain questions when doing so could have brought unnecessary harm. (Mt 15:1-6; 21:23-27; Joh 7:3-10) Evidently the course of Abraham, Isaac, Rahab, and Elisha in misdirecting or in withholding full facts from nonworshipers of Jehovah must be viewed in the same light.—Ge 12:10-19; chap 20; 26:1-10; Jos 2:1-6; Jas 2:25; 2Ki 6:11-23.
Hakaua Hereva Namodia
Mase Taudia ese Mauri Taudia Idia Durua Diba, A?
Mani oi laloa. Baibel ia gwau taunimanima “idia mase neganai tano ena kahu dekenai idia giroa lou” bona “idia ura do idia karaia gaudia be do idia doko.” (Salamo 146:4) Saulo bona Samuela idia diba Dirava be babalau taudia edia heduru tahua karana ia taravatua. Oibe, matamanai Saulo be unai tano amo babalau karadia kokia karana ia gunalaia!—Levitiko 19:31.
Mani oi laloa. Bema Dirava ia badinaia tauna Samuela be lauma tauna ta bamona ia mauri noho, oi laloa ia be Dirava ena taravatu do ia utua bena babalau hahine amo Saulo do ia hereva henia, a? Ita diba, Iehova ia ura lasi Saulo ia hereva henia. Anina be, unai babalau hahine ese Siahu Ibounai Diravana ia doria mase tauna Samuela amo Saulo ia hereva henia totona, a? Lasi. Ia hedinarai goevagoeva, unai be Samuela korikorina lasi o Dirava ia abidadama henia peroveta tauna lasi. Ia be demoni dikana ta bona mase tauna Samuela ai ia lao.
MAY 9-15
BAIBEL ENA HEREVA BADADIA | 1 SAMUELA 30-31
“Iehova Emu Dirava amo Goada Oi Abia”
Iehova Gari Henia Tauna Ia Moale!
12 Dirava gari henia karana ese Davida ia durua kara dika ia dadaraia totona. Bona danu nega dikadia ai, unai gari karana ese ia hagoadaia mai aonega ida abia hidi maorodia ia karaia totona. Lagani ta bona hua 4 ai, Davida bona iena tatau be Saulo amo idia komu loaloa bona Sikilaga, Pilistia ena hanua ta dekenai idia noho. (1 Samuela 27:5-7) Nega ta Davida bona ena tatau idia noho lasi neganai, Amaleka taudia ese edia hanua idia gabua bona edia hahine, natudia, bona mamoe idia henaoa. Davida bona ena tatau be edia hanua dekenai idia giroa lou bona ia vara gauna idia itaia neganai, idia taitai bada. Gabeai, Davida ena tatau idia badu bona idia gwau Davida be nadi amo do idia hodoa. Ena be hekwakwanai ia davaria, to Davida ia lalomanoka lasi. (Aonega Herevadia 24:10) Davida be Dirava ia gari henia dainai, Iehova ena heduru ia tahua bona “Lohiabada dekena amo goada ia davaria.” Dirava ena heduru amo, Davida bona iena tatau ese Amaleka taudia idia hamasea bona edia gau ibounai idia abia lou.—1 Samuela 30:1-20.
Ita Roho Mauri Totona Iehova be Ita Ia Gimaia
14 Davida ena mauri lalonai lalohisihisi gaudia momo idia vara. (1 Sam. 30:3-6) To, Baibel ia gwau Iehova be Davida ena hemami ia diba. (Salamo 34:18; 56:8 duahia.) Dirava be iseda hemami ia diba bona ita “lalohisihisi” neganai, ia be ita kahirakahira ia noho. Davida be unai ia diba dainai ia gwau: “Do lau moale bada, oiemu noho hanaihanai lalokauna dainai do lau moale, badina oi ese egu laloa hekwarahi oi itaia, bona egu lauma ena hisihisi oi diba.” (Sal. 31:7) Iehova be iseda lalohisihisi ia itaia bona ita ia durua bona hagoadaia. Edena dala ai unai ia karaia?
Hakaua Hereva Namodia
Samuela Ginigunana Bukana Ena Hereva Badadia
30:23, 24. Numera 31:27 ai, Davida ia karaia abia hidi amo ia hahedinaraia, Iehova ese kongrigeisen lalonai heduru idia henia taudia ia laloa bada. Herevana dahaka gaukara ita karaia, namona be ‘mai iseda kudouna ibounai ida do ita karaia. Do ita karaia, ia be tau ta ena gaukara lasi, to Lohiabada ena gaukara ita karaia.’—Kolose 3:23.
MAY 16-22
BAIBEL ENA HEREVA BADADIA | 2 SAMUELA 1-3
“‘Peva’ amo Dahaka Ita Dibaia?”
Siahu Idia Abia Taudia Oi Matauraia
9 Davida be idia kara auka henia dainai ia lalo-metau, a? Davida be Iehova dekenai ia taitai: “Dagedage taudia ese lau alaia dalana idia tahua noho.” (Salamo 54:3) Iena kudouna lalonai idia noho gaudia ibounai be Iehova dekenai ia gwauraia: “Egu Dirava e, lau idia hadikaia gwauraia taudia dekena amo lau do oi hamauria. . . . Dagedage taudia be lau hadikaia totona idia haboua noho. To Lohiabada e, inai be lauegu kara dika o lauegu kerere dainai lasi. Lau be mai egu kerere ta lasi, to idia heau mai, bona lau alaia totona idia hegaegae noho. Do oi noga, lau durua totona do oi mai. Lau do oi itaia!” (Salamo 59:1-4) Nega ta—ena be siahu tauna ta dekenai kerere ta oi karaia lasi, to oi dekenai hekwakwanai ia henia dainai—unai bamona mamina oi abia, a? Davida ese Saulo ia matauraia hanaihanai. Saulo ia mase neganai, Davida ia moale lasi, to ia ese lalohisihisi anena ta ia karaia: “Saulo bona Ionatana, mai edia lalokau, bona mai edia sivarai namo. . . . Ugava manu ena haraga be idia hereaia, laiona ena goada be idia hereaia. Israela hahine taudia e, Saulo totona do umui tai.” (2 Samuela 1:23, 24) Unai be haheitalai namona Iehova ia abia hidi tauna matauraia karana dekenai, badina ena be Saulo ese Davida ia gwauraia dika to ia ese ia matauraia!
Lalokau be Lasi—Inai Nega Ena Toana Ta!
8 Baibel lalonai lalokau karana idia hahedinaraia taudia momo edia sivarai ia noho. Sivarai rua do ita herevalaia. Ginigunana be Ionatana. Ia be King Saulo ena natuna roboana dainai Israela ena king dagina ia abia be maoro. To, Iehova ese Davida ia abia hidi, bona Ionatana be unai ia matauraia bona Davida ia mama henia lasi. “Ionatana ese Davida ia lalokau henia, ia sibona ia lalokau henia hegeregere” bona ia gwauhamata Davida do ia badinaia. Danu, ena kouti badana, tuari dabua bona kaia, bona peva be Davida ia henia, unai amo ia hahedinaraia ia ese king ia matauraia. (1 Sam. 18:1-4) Ionatana ia gaukara goada Davida ia durua totona. Hegeregere Davida be Saulo amo ia gimaia totona kahirakahira ena mauri ia haboioa. Ionatana ese Davida ia hamaoroa: “Oi be Israela ena king do oi lao, bona . . . lau [be] oiemu iharuana do lau lao.” (1 Sam. 20:30-34; 23:16, 17) Unai dainai, Ionatana ia mase neganai Davida ia tai dikadika bona ena lalohisihisi herevadia be ane ta dekenai ia gwauraia.—2 Sam. 1:17, 26.
Hakaua Hereva Namodia
it-1-E 369 par. 2
Tadikaka
Inai hereva “Tadikaka,” be bisinesi bona edia tahua gaudia bona ura gaudia be tamona taudia dekenai idia gaukaralaia danu. Hegeregere Turo ena King Hirama ese King Solomona ia boiria ena tadikaka, unai ese ia hahedinaraia lasi edia dagi be tamona dainai Solomona ia boria tadikaka, to dubu helaga ena gaukara totona Solomona ese Hirama dekenai timba totona ia noinoi. (1Ki 9:13; 5:1-12) Davida ia gwau: “Itaia, tadikaka be lalotamona ai idia noho hebou, unai be namo herea bona moale bada gauna!” unai ese ia hahedinaraia lasi, idia vara hebou taudia sibona huanai maino bona lalotamona do ia noho. (Sal 133:1) Oibe, Davida be Ionatana ia lalokau henia, ena be edia tama sina be tamona lasi, to ta ta idia boiria tadikaka. (2Sa 1:26) Ena be turadia haida edia kara be maoro lasi bona ia dika, to ta ta idia boiria tadikaka.—Ao 18:9.
MAY 23-29
BAIBEL ENA HEREVA BADADIA | 2 SAMUELA 4-6
“Iehova Ena Lalona Ita Hahisia Lasi Totona Ita Gari be Namo”
Samuela Iharuana Bukana Ena Hereva Badadia
6:1-7. Ena be Davida dekenai Maua be treila latanai do ia abia lao karana be maoro, to unai be Dirava ena hahegani ida ia hegeregere lasi bona unai dainai dika ia vara. (Esodo 25:13, 14; Numera 4:15, 19; 7:7-9) Usa ese Maua ia dogoatao karana ese ia hahedinaraia danu, badina namodia ese Dirava ena ura do ia haidaua lasi.
Iehova Ena Kara be Hanaihanai Ia Maoro
20 Laloaboio lasi, Usa be taravatu ia diba. Unai Maua ese Iehova ena noho ia laulaulaia. Taravatu ia gwau, gwaumaoro ia abia lasi tauna ese unai maua do ia dogoatao lasi, ia hahedinaraia goevagoeva unai taravatu idia makohia taudia be do idia mase. (Numera 4:18-20; 7:89) Unai dainai, unai maua helagana be gabu ma ta dekenai idia abia lao ena gaukara be mai anina bada gaukarana. Usa be Levi tauna ta (to hahelaga tauna ta lasi), unai dainai Taravatu ia diba be namo. Danu, lagani haida gunanai Maua be ena tamana ena ruma dekenai idia abia lao, unuseniai idia naria totona. (1 Samuela 6:20–7:1) Unuseniai lagani 70 bona ma haida ia noho, ela bona Davida ese dala ia karaia gabu ma ta dekenai ia abia lao totona. Unai dainai Usa ia maragi negana amo, unai Maua ena taravatu ia diba vadaeni.
Iehova Ena Kara be Hanaihanai Ia Maoro
21 Guna ita herevalaia bamona, Iehova be taunimanima edia kudouna ia itaia diba. Ena Hereva ese Usa ena kara ia gwauraia ‘hemataurai lasi’ karana dainai, reana Usa ese sibona ena namo ia tahua bona Iehova ese unai ia itaia, to Baibel ese unai ia hahedinaraia lasi. Usa be reana hekokoroku tauna dainai, nega momo taravatu ese ia koua gaudia danu ia karaia, a? (Aonega Herevadia 11:2) Iena ruma bese ese idia naria Maua be taunimanima vairanai idia abia lao dainai, ia laloa ia be tau badana, a? (Aonega Herevadia 8:13) Usa ia abidadama lasi momokani, namona be ia diba Iehova be ia hegeregere maua helagana—Iena noho ia laulaulaia gauna—ia atoa namonamo totona, ani? Herevana dahaka ia vara, ita diba Iehova ese kara maorona ia karaia. Toana be Usa ena kudouna dekenai gau ta ia itaia, unai dainai maoromaoro Usa ia hamasea.—Aonega Herevadia 21:2.
Hakaua Hereva Namodia
Nega Ibounai Oiemu Lalo-Hekwarahi be Iehova Dekenai Oi Henia
Davida be king dainai, kerere kahana be iena. Unai neganai ia karaia karana ese ia hahedinaraia hedibagani idia vara negadiai, Iehova Dirava ida idia hetura namonamo taudia danu be nega haida idia kara kerere diba. Davida ia badu guna, bena gabeai ia gari. (2 Samuela 6:8, 9) Iehova ida ia hetura namonamo karana dekenai hetoho bada ia davaria. Unai neganai Iehova ena oda herevana ia badinaia lasi dainai, toana be iena maduna Iehova dekenai ia henia lasi. Reana nega haida ita be unai bamona ita karaia, a? Iehova ena hahegani ita badinaia lasi dainai hekwakwanai idia vara neganai, nega haida ita gwau unai be Iehova ena kerere, a?—Aonega Herevadia 19:3.
MAY 30–JUNE 5
BAIBEL ENA HEREVA BADADIA | 2 SAMUELA 7-8
“Iehova be Davida ida Gwaubou ta Ia Karaia”
“Oiemu Basileia be Do Ia Gini”
Davida be mai kudouna ibounai ida ia ura unai dubu helaga do ia haginia, unai dainai Iehova ia moale. Davida ena abidadama karana dainai bona peroveta herevana hegeregerena, Dirava be Davida ida gwauhamata ta ia karaia. Ia gwau Davida ena lohia besena amo ta do ia abia hidi bona do ia lohia ela bona hanaihanai. Natana ese Dirava ena gwauhamata be Davida dekenai ia gwauraia: “Oiemu iduhu bona oiemu basileia be do ia gini ela bona hanaihanai, lau dainai. Bona oiemu king dagi do ia noho hanaihanai.” (Siri 16) Unai gwauhamata lalonai daika be unai King dagina do ia abia bona do ia lohia ela bona hanaihanai?—Salamo 89:20, 29, 34-36.
“Oiemu Basileia be Do Ia Gini”
Nasareta tauna Iesu be Davida ena tubuna ta. Aneru ta ese Iesu ena vara ia gwauraia neganai, ia gwau: “Lohiabada Dirava ese iena tamana Davida ena King dagina do ia henia. Bona ia be Iakobo ena bese edia King do ia lao, ela bona hanaihanai. Iena basileia be do ia doko lasi.” (Luka 1:32, 33) Dirava ese Davida dekenai ia gwauraia gwauhamatana be Iesu Keriso dekenai ia guguru. Oibe, Iesu be taunimanima ese idia voutia dainai do ia lohia lasi, to Dirava ena gwauhamata hegeregerena do ia lohia ela bona hanaihanai. Namona be ita laloatao Dirava ena gwauhamata ibounai be nega ibounai idia guguru momokani.—Isaia 55:10, 11.
Basileia Oi Abidadama Henia
14 Mani Iehova ese idaunegai Israela besena ena King Davida dekenai ia karaia gwauhamatana ita laloa, unai be Davida kontrakana. (2 Samuela 7:12, 16 duahia.) Davida be Ierusalema ai ia lohia neganai, Iehova ese unai kontraka ia karaia, bona Davida ia gwauhamata henia Mesia be iena bese amo do ia vara. (Luka 1:30-33) Unai amo Iehova ese garana ena bese ena sivarai haida ia gwauraia, bona ia hahedinaraia Davida ena tubuna ta be Mesia Basileiana ena “Biaguna korikori” ai do ia lao. (Ese. 21:25-27) Iesu amo, Davida ena terona “be do ia gini ela bona hanaihanai.” Oibe, Davida ena garana “be do idia vara noho hanaihanai, bona iena terona be do ia noho ela bona dina ena noho dinadia ibounai.” (Sal. 89:34-37, NW) Momokani, Mesia Basileiana be do ia kara gageva lasi, bona ena hahenamo be do ia noho ela bona hanaihanai!
Hakaua Hereva Namodia
it-2-E 206 par. 2
Dina Gabedia
Balama Ena Peroveta Herevana. Israela taudia be Gwauhamata Tanona idia do vareaia lasi neganai, peroveta tauna Balama be Moaba ena king dekenai ia gwau: “Oi mai bona oi dekenai inai taunimanima ese vaira nega ai emu taunimanima dekenai do idia karaia gauna do lau gwauraia. . . Hisiu ta be Iakobo amo do ia mai, bona kepata be Israela amo do ia toreisi. Bona ia ese Moaba ena baguna do ia hamakohia parara bona dagedage tuari taudia edia kwara koukou do ia hamakohia.” (Nu 24:14-17) Inai peroveta herevana ena kahana ginigunana ai, inai hereva, “hisiu” be King Davida ia herevalaia, ia ese Moaba taudia ia halusia. (2Sa 8:2) Danu unai peroveta herevana tamona lalonai, “vaira nega ai” be Davida ia king matamaia negana ia herevalaia. Davida ese Mesia King Iesu ia laulaulaia dainai, unai perotava herevana be Iesu dekenai do ia guguru danu, ia ese ena inai taudia do ia halusia.—Isa 9:7; Sal 2:8, 9.
JUNE 6-12
BAIBEL ENA HEREVA BADADIA | 2 SAMUELA 9-10
“Davida be Noho Hanaihanai Lalokauna Ia Hahedinaraia”
Ta Ta Dekenai Noho Hanaihanai Lalokauna Hahedinaraia
7 Noho hanaihanai lalokauna bona unai gaukara tauna ena hemami edia idau oi itaia diba, a? Gaukara tauna be unai kampani dekenai ia gaukara noho, badina unai amo moni ia abia diba. To Baibel ai, dahaka dainai Dirava ena taunimanima huanai noho hanaihanai lalokauna idia hahedinaraia? Ta ese idia ia doria eiava idia ura gau ta idia abia dainai lasi, to edia kudouna amo idia ura unai idia karaia totona. Mani Davida ena haheitalai ita laloa. Ena be Ionatana ena tamana ia ura Davida ia hamasea, to ia be ena kudouna amo ia ura dainai ena turana namona Ionatana dekenai noho hanaihanai lalokauna ia hahedinaraia. Ionatana ia mase bona lagani haida murinai, Davida be Ionatana ena natuna Mefiboseta dekenai unai lalokau ia hahedinaraia noho.—1 Sam. 20:9, 14, 15; 2 Sam. 4:4; 8:15; 9:1, 6, 7.
Samuela Iharuana Bukana Ena Hereva Badadia
9:1, 6, 7. Davida be ena gwauhamata ia badinaia. Ita danu iseda gwauhamata ita hagugurua be namo.
Ginigini Idia Haheaukalaia
10 Lagani haida murinai, King Davida ese Ionatana ia lalokau henia bada dainai, Mepiboseta dekenai hebogahisi mai lalokauna ia hahedinaraia. Davida ese Saulo ena kohu ibounai be Mepiboseta dekenai ia henia bona Saulo ena hesiai tauna Siba be unai tano naria tauna ai ia halaoa. Davida ese Mepiboseta ia hamaoroa danu, ia gwau: “Lauegu aniani patana dekenai do oi aniani, nega ibounai.” (2 Samuela 9:6-10) Ita diba momokani Davida ena hebogahisi mai lalokauna ese Mepiboseta ia hagoadaia bona ena aena idia dika dainai ia abia hisihisi ia hamaragia. Haheitalai namo hereana unai! Edia tauanina dekenai ginigini idia hekwarahilaia taudia dekenai hebogahisi ita hahedinaraia danu be namo.
Hakaua Hereva Namodia
it-1-E 266
Besoso
Baibel negadiai idia noho Ist taudia, Isreael taudia danu, be edia besoso idia utua lasi badina unai ese tau ena hairai ia hahedinaraia. Dirava ese Israela taudia ia taravatua edia “besoso ena saidi,” unai be taiana bona matana huanai ia noho huina ia herevalaia, bona edia besoso ibounai do idia utua lasi. (Le 19:27; 21:5) Badina dirava koikoi idia tamodiho henia taudia ese unai kara be edia tomaiho ena kahana ai idia halaoa bona daradara ia havaraia.
JUNE 13-19
BAIBEL ENA HEREVA BADADIA | 2 SAMUELA 11-12
“Namo Lasi Ura Dikadia ese Oi Idia Biagua”
Satani Ena Tarapu amo Oi Raka Siri Diba!
10 Iehova ese Davida ia hanamoa, hegeregere taga bona king dagina ia henia, bona tuari momo lalonai ia kwalimu. Davida ia gwau Dirava ena harihari gaudia be ‘momo herea, ia duahia diba lasi.’ (Sal. 40:5) To Davida be ia mataganigani, bona ia laloa Iehova ese ia dekenai ia henia gaudia be hegeregere lasi, bona ia ura gau ma haida. Davida ena adavana be momo, to ia ese tau ma ta ena adavana ia ura henia, ena be Iehova ia gwau unai be kerere. Unai hahine be Bataseba, bona ena adavana be Hiti tauna, Uria. Davida be Bataseba ida ia heudahanai, bona Bataseba ia rogorogo. Davida ese unai kerere badana sibona ia karaia lasi, to ia ese Uria ena mase dalana ia karaia danu! (2 Sam. 11:2-15) Dahaka dainai Davida be unai ia karaia? Ia laloa Iehova ese ia itaia lasi, a? Ena be lagani momo lalonai Davida be mai abidadama ida Iehova ia hesiai henia, to ia mataganigani bona unai ese hekwakwanai momo ia havaraia. To gabeai, Davida be ena kara dika ia gwauraia hedinarai bona ia helalo-kerehai. Davida ia moale badina Iehova ese ena kara dika ia gwauatao!—2 Sam. 12:7-13.
Mai Ura Ida Iehova Ita Badinaia
15 Iehova ese Davida dekenai maduna ia henia iena ruma bese do ia naria sibona lasi, to Israela besena danu. Davida be king ta dainai, ia be mai ena siahu. Nega haida, unai siahu ia gaukaralaia kerere bona kerere badadia ia karaia. (2 Sam. 11:14, 15) To, sisiba ia abia dae karana amo Iehova ia badinaia. Bona guriguri amo Iehova dekenai ena lalohekwarahi ibounai ia gwauraia hedinarai. (Sal. 51:1-4) Danu, ia manau bona sisiba namodia ia abia dae, tatau sibona amo lasi to hahine amo danu. (1 Sam. 19:11, 12; 25:32, 33) Davida be ena kerere badadia amo ia helalo-kerehai, bona ena mauri lalonai Iehova hesiai henia gaukarana ia atoa guna.
Dirava Ena Taravatu Bona Hakaua Herevadia amo Emu Lalomamina Oi Hadibaia
7 Mai anina bada gaudia ita dibaia totona, namo lasi Dirava ena taravatu ita utua bena idia vara dika o metau idauidau ita hisihisilaia. Kerere idia karaia taudia haida edia sivarai be Baibel ese ia gwauraia, bona edia sivarai amo gau haida ita dibaia diba. Aonega Herevadia 1:5 (NWT) ia gwau: “Aonega tauna be ia kamonai bona hakaua herevadia ma haida ia dibaia noho.” Oibe, Baibel ai idia noho sivaraidia ita duahia bona laloa dobu neganai, Dirava be ita do ia hadibaia namonamo. Hegeregere, King Davida be Iehova ena oda ia kamonai lasi bona Bataseba ida ia heudahanai murinai, ia abia hisihisina mani oi laloa. (2 Sam. 12:7-14) Unai sivarai ita duahia bona laloa dobu lalonai, reana ita sibona ita nanadaia: ‘King Davida be Bataseba ida ia heudahanai lasi bona ia lalohisihisi lasi totona, dahaka ia karaia be namo? Bema unai bamona hahetoho ia vara, dahaka lau karaia be namo? Do lau heau siri Iosepa bamona, eiava matabodaga karana do lau karaia Davida bamona?’ (Gen. 39:11-15) Kara dika ena metau idauidau ita laloa dobu neganai, unai ese ita do ia durua “kara dika [ita] inai henia” totona.
Hakaua Hereva Namodia
“Tamana Bamona, Ia be mai Ena Bogahisihisi”
11 Iehova ese Davida bona Bataseba edia dika ia gwauatao guna, bena gabeai mai hebogahisi ida idia ia kota henia bona edia dika ena davana korikorina, mase ia henidia lasi. Iehova ese Israela ena diadi taudia dekenai gwaumaoro ia henia lasi edia dika idia gwauatao totona. Badina bema idia ese kota idia karaia, Davida bona Bataseba do idia hamasedia. Unai be Taravatu hegeregerena. To, Iehova be Davida ida ia karaia gwauhamatana dainai, Ia ura ia itaia bema Davida be ia helalo-kerehai bona unai amo ena dika ia gwauatao diba. (2 Samuela 7:12-16) Oibe, Iehova Dirava, “tanobada ibounai ena kota biaguna,” be kudouna ia itaia diba bona ia ese Davida ia kota henia. (Genese 18:25; 1 Sivarai 29:17) Dirava be Davida ena kudouna ia diba namonamo, Davida ena helalo-kerehai toana momokani ia diba, bona ena dika ia gwauatao.
Iehova Ena Gwauatao Karana amo Namo Oi Abia Dalana
9 Davida ena kara dika dainai hekwakwanai idia vara neganai, Dirava be unai gaudia ia koua lasi. Davida ena kara dika dainai iena mauri ibounai lalonai hekwakwanai momo ia davaria. To, Davida be “iena kara dika dainai ia lalohisihisi momokani, bona ia manau momokani” o ia helalo-kerehai dainai, Iehova ese ena dika ia gwauatao. (Salamo 32:5 duahia; Sal. 51:17) Siahu Ibounai Diravana be ta ese kara dika ia karaia ena badina bona ena hemami ia diba. Unai dainai, Dirava be diadi taudia dekenai gwaumaoro ia henia lasi, Mose ena Taravatu hegeregerena Davida bona Bataseba idia hamasea totona. (Lev. 20:10) To, Dirava sibona ese Davida bona Bataseba ia hahemaoro henidia, bona idia dekenai hebogahisi ia hahedinaraia. Danu gabeai, edia natuna Solomona be Israela ena king ai ia lao.—1 Siv. 22:9, 10.
10 Reana Iehova ese Davida ena dika ia gwauatao ena badina ma ta be, Davida ese Saulo dekenai hebogahisi ia hahedinaraia. (1 Sam. 24:4-7) Iesu ia hahedinaraia ma haida ita kara henia hegeregerena, Iehova ese ita do ia kara henia danu. Ia gwau: “Ma haida umui hahemaoro henia lasi, vadaeni Dirava ese umui do ia hahemaoro henia lasi, badina ma haida umui hahemaoro henia hegeregerena, umui do idia hahemaoro henia. Bona ma haida dekenai umui henia sikele hegeregerena, umui dekenai unai bamona sikele do idia henia.” (Mat. 7:1, 2) Ita ia hagoadaia gauna be, ita diba Iehova ese iseda kara dika—kara dika badadia hegeregere, heudahanai o ala-ala karadia danu—do ia gwauatao! Iehova ese eda dika ia gwauatao diba, bema mai eda ura ida ma haida edia dika ita gwauatao, Ia dekenai eda kara dika ita gwauraia hedinarai, bona eda kara ita haidaua bona unai dala kererena ita dadaraia momokani. Kara dika taudia be idia helalo-kerehai momokani neganai, Iehova ese idia “dekenai goada matamata do ia henia,” anina be ia durudia lalomamina goevana idia abia totona.—Kara 3:19 duahia.
JUNE 20-26
BAIBEL ENA HEREVA BADADIA | 2 SAMUELA 13-14
“Aminona be Sibona Ia Laloa Dainai Dika Ia Havaraia”
it-1 32
Absalom
Murder of Amnon. The beauty of Absalom’s sister Tamar caused his older half brother Amnon to become infatuated with her. Feigning illness, Amnon contrived to have Tamar sent to his quarters to cook for him, and then he forcibly violated her. Amnon’s erotic love turned to contemptuous hate and he had Tamar put out into the street. Ripping apart her striped gown that had distinguished her as a virgin daughter of the king, and with ashes on her head, Tamar was met by Absalom. He quickly sized up the situation and voiced immediate suspicion of Amnon, indicating a prior alertness to his half brother’s passionate desire. Absalom instructed his sister to raise no accusation, however, and took her into his home to reside.—2Sa 13:1-20.
Sibona Oi Biagua
11 Baibel lalonai matabodaga karadia ena hahetoho lalonai idia moru taudia edia sivarai ia noho. Bona sibona biagua lasi karana dainai ia vara dika ia hahedinaraia danu. Bema Kim dekenai ia vara gauna be oi dekenai ia vara, namona be Aonega Herevadia karoa 7 ese ia herevalaia kavakava tauna ena sivarai oi laloa. Aminona danu oi laloa bona ena kara dainai ia vara dika oi laloa. (2 Sam. 13:1, 2, 10-15, 28-32) Namona be ruma bese tomadihona ai, tama sina ese unai haheitalai idia herevalaia, unai amo edia natudia idia durua sibodia idia biagua totona bona do idia aonega.
it-1 33 par. 1
Absalom
Two years passed. Sheepshearing time came, a festive occasion, and Absalom arranged a feast at Baal-hazor about 22 km (14 mi) NNE of Jerusalem, inviting the king’s sons and David himself. When his father begged off from attending, Absalom pressed him to agree to send Amnon, his firstborn, in his stead. (Pr 10:18) At the feast, when Amnon was in “a merry mood with wine,” Absalom ordered his servants to slay him. The other sons headed back to Jerusalem, and Absalom went into exile with his Syrian grandfather in the kingdom of Geshur to the E of the Sea of Galilee. (2Sa 13:23-38) The “sword” foretold by the prophet Nathan had now entered David’s “house” and would continue there for the rest of his life.—2Sa 12:10.
Hakaua Hereva Namodia
Dahaka Dainai Egu Toana Lau Laloa Momo?
“Abesaloma be toana namo tauna momokani, iena toana be mai ena sivarai bada. Bona tau ta ese ia hereaia lasi.”—2 Samuela 14:25.
To, inai mero matamata Abesaloma be ia hekokoroku, sibona ia abia isi, bona ia koikoi momo. Unai dainai, Baibel be Abesaloma ena hairai ia herevalaia momo lasi, to ena gwau-edeede bona taunimanima alaia kava karana ia herevalaia momo.
Badina namona dainai, Bible ena sisiba ita dekenai be inai:
“Mauri matamata be dabua bamona do umui hahedokilaia.”—Kolose 3:10.
“Namo lasi emui hairai be murimuri ai sibona . . , To namona be emui hairai be emui kudouna ai ia noho gauna.”—1 Petero 3:3, 4.
Oi ura emu toana ia namo be kerere lasi, to emu kara ia namo be gau badana. Momokani, taunimanima be emu kara namodia do idia hanamoa bada to emu tauanina goadana o hairai do idia hanamoa maragi! Kekeni ladana Phylicia ia gwau: “Taunimanima be emu hairai idia itaia haraga diba to do idia laloatao gauna be, emu kara namodia.”
JUNE 27–JULY 3
BAIBEL ENA HEREVA BADADIA | 2 SAMUELA 15-17
“Abesaloma Ia Hekokoroku Dainai Ia Gwau-edeede”
it-1 860
Forerunner
It was the Oriental custom that runners go before the royal chariot to prepare and announce the king’s coming and to assist him generally. (1Sa 8:11) Absalom and Adonijah, in imitation of such regal dignity and to add prestige and seeming sanction to their respective rebellions, placed 50 runners before their personal chariots.—2Sa 15:1; 1Ki 1:5; see RUNNERS.
Ura Kwalimu Ia Henia Diravana Hesiai Henia
5 Baibel lalonai ma haida idia hakaua kerere taudia momo edia sivarai idia noho. Idia ta be King Davida ena natuna Abesaloma. Abesaloma be mai ena hairai, to Satani bamona ena kudouna ai ura dikana ia abia. Abesaloma ia ura tamana ena king dagina ia abia, ena be ia be maoro lasi. Abesaloma be ena ura ia hagugurua totona taunimanima ia koia, unai amo idia laloa Abesaloma ia ura idia ia durua, to king Davida be idia ia laloa lasi. Eden umana ai Diabolo ia karaia bamona, Abesaloma be taunimanima ia koia bona idia laloa ia ese idia ia laloa bada. Danu, hereva koikoidia amo ena tamana ena ladana ia hadikaia.—2 Sam. 15:1-5.
it-1 1083-1084
Hebron
Some years later David’s son Absalom returned to Hebron and there initiated his unsuccessful usurpation of his father’s kingship. (2Sa 15:7-10) It was likely because of Hebron’s historical importance as onetime capital of Judah, as well as because of its being his native city, that Absalom chose this city as the starting point of his drive for the throne. Later, David’s grandson, King Rehoboam, rebuilt Hebron. (2Ch 11:5-10) After the desolation of Judah by the Babylonians and the return of the Jewish exiles, some of the repatriated Jews settled at Hebron (Kiriath-arba).—Ne 11:25.
Hakaua Hereva Namodia
Oi Dekenai Hamomokania Gaudia Idia Noho, A?
11 Ita ta ta danu, be reana haida ese idia kara namo henia lasi badina sivarai koikoi eiava sivarai edia kahana haida sibona be ma haida dekenai idia gwauraia loaloa. King Davida bona Mepiboseta edia haheitalai mani ita laloa. Davida be Mepiboseta dekenai ena tubuna Saulo, ena tano ibounai ia henia lou karana ese ena hariharibada bona hebogahisi ia hahedinaraia. (2 Sam. 9:6, 7) To gabeai, Davida be Mepiboseta ena sivarai dikana ta ia kamonai. Davida be sivarai maorona ia tahua lasi, bona ia ura Mepiboseta ena kohu ibounai ia abia. (2 Sam. 16:1-4) Gabeai, Mepiboseta ia hereva henia neganai, Davida be sibona ena kerere ia lalopararalaia bona Mepiboseta ena kohu ia henia lou. (2 Sam. 19:24-29) To unai kara gageva be do ia vara lasi bema Davida be nega ia atoa hamomokania gaudia ia tahua.