Mase Taudia Totona Dahaka Helaro Ia Noho?

Ita ta ta dekenai mase do ia vara. To mauri ena dokona be unai sibona, a? Mase taudia ia laloaboio momokani, a? Mase taudia totona helaro ia noho, a?

MANI BAIBEL ENA HEREVA OI LALOA:

MASE TAUDIA IA LALOABOIO LASI

“Guria gabuna lalonai idia noho taudia ibounai . . . do idia raka-lasi.”​—Ioane 5:28, 29.

Dirava ese mase taudia ia lalodiatao; ia laloatao taudia ibounai do idia mauri lou.

TANOBADA AI TOREISI LOU DO IA VARA

“Kara maoromaoro taudia bona kara maoromaoro lasi taudia be do idia toreisi lou.”​—Kara 24:15.

Taunimanima bilioni momo be do idia mauri lou bona mai maino danu mauri hanaihanai helarona do idia abia.

TOREISI LOU HELARONA DO IA VARA MOMOKANI

“[Dirava] ese hisiu edia namba ia gwauraia vadaeni, bona ia ese idia ibounai edia ladana ia atoa.”​—Salamo 147:4.

Dirava ese hisiu ibounai edia ladana ia gwauraia diba dainai, do ia hatorea isi lou taudia ia laloatao diba.