1 Corinthians

Love

13 Nāmahin pi as nu sinmuy, pu God hoṅviaymuyatuy amún pās hópinik̇aṅw nuhtumi qa unaṅwayʼteʼ, nu soñawnen sik̇asivat qalalataqat antani, sen sivavutsqat an eyoyotaqata. 2 Pu nāmahin pi as nu God eṅem yuaataniqey makiwayʼtak̇aṅw, pu hīhihta āmiwtaṅwuqat sohsok mātsiʼk̇aṅw, pu sohsok hihta navotiʼtani, pu nāmahin pi as nu pas qapēvewniʼk̇aṅw tuhtukwit nahlamintanik̇aṅw nuhtumi qa unaṅwayʼteʼ, nu qahimuu. 3 Pu nāmahin pi as nu aṅ ōokiwyaqamuy nopnaniqe ōviy sohsok hihta ihimuy amumi nóanik̇aṅw, pu itokoy taqsokiwniqat aw put mātapnik̇aṅw nuhtumi qa unaṅwayʼteʼ soon nu put akw moṅwvastini. 4 Namiʼnaṅwa qa īts hin unaṅwtiṅwu; hakiy pāsniṅwu. Namiʼnaṅwa qa unaṅwtuyvaṅwu. Namiʼnaṅwa qa kwiviyuaataṅwu; pu qa nātsotsk̇anaṅwu. 5 Hakiy qa hintsanṅwu; qa nēṅem hihta tunatyawtaṅwu; pu qa suyʼtsiptiṅwu; qalomáhintsaniweʼ put ep qa hin unaṅwtiṅwu; 6 Qaantsatskiwhqat ep qa hahlayhtiṅwu; nīk̇aṅw súantsatskiwhqat ep hahlayhtiṅwu. 7 Sohsok hihta aṅ nānakwhaniʼtaṅwu; sohsok hihta tuptsiwṅwu; sohsok hihta ep qa naṅʼeknaṅwu; sohsok hihta aṅ kuytaṅwu. 8 Namiʼnaṅwa qa haqami sohtani. Nīk̇aṅw God aṅqw nātoniqa lavayi hapi pay yukiltini; pu himuhkwa yuaatiwhqa pay sohtini, pu iʼ navoti pay tūwayani. 9 Pi itam qa pasiwtaqat navotiʼyuṅwa; pu itam qa pasiwtaqat God eṅem yuaatota. 10 Nīk̇aṅw ason hisat himu pas pasiwtaqat pituqw, pep puʼ himu pay qa pasiwtaqa ayo yukiltini. 11 Ura nu tsāynihqe tsakoyuaataṅwu; nu tsākw an hihta māmatsṅwu, pu nu tsakowuwniʼtaṅwu. Nit nu tāqatiqe pep puʼ nu hihta tsakoeʼwakw ayo yuku. 12 Pay itam pi nāt puʼ soñawnen panaptsat akw qa suyan nāviptsaniʼyuṅwa. Nīk̇aṅw ep puʼ itam pas suyan nānami yoyrikyani. Puʼ hapi nu qa pasiwtaqat tuwiʼta; nīkaṅw ason pep puʼ nu pas pasiwtaqat navotiʼtani, God pas pasiwtaqat inumi navotiʼtaqat panʼi. 13 Taay, noqw ōviy hapi ima pahyom pētoti-iʼ qapēvewni, pu unaṅwvahsi, pu namiʼnaṅwa. Noqw imuy amuṅaqw namiʼnaṅwa hapi pas mohpeqʼa.