1te Kheeniche

18 Noo een tsayt, im trite yoer, hot Eliias tiise pexeet fon Yeehoowa kriit: “Kee, tsaych tich fer Akap, un ich tuun reen iwich ti eyert xike.” 3 In tiise tsayt, hot Akap Opatias keruuft, woo atministratoer fom haus waar. (Opatias hat een tiif respekt tsu Yeehoowa, 12 Wën ich faart keen, tuut Yeehoowa sayn kayst tich pis een plats nëme woo ich net khëne. Un wën ich tas fer Akap pekhant mache un tee tich net fint, sicher pringt eyer mich um! Awer ich, tayne tiiner, hon Yeehoowa tiif respektiirt fon khint aan. 13 Hon se tich net kesaat was ich kemacht hon wii Yesapël Yeehoowa sayn profeete am um pringe waar? Ich hon 100 fon Yeehoowa sayn profeete in heele ferxtekelt, in krupe fon 50. Un ich hon se proot un waser fersoricht. 21 Tan, hot Eliias sich foer tas folek kextelt un hot kesaat: “Wii lang tuut teyer noch tswixich tswaay mënunge wakele? Wën es Yeehoowa te woere Kot is, keet tëm noo! Awer wën es Paal is, tan keet tëm noo!” Awer tas folek hot tëm khee antwort kep. 25 Eliias hot tan fer ti profeete fon Paal kesaat: “Suucht een yung xtiir raus un tuut eyerst tëm in richte, wayl teyer mee sayt. Nochter, tuut te naame fon ayer kot aan ruufe, awer tuut khee fayer aan te yung xtiir mache.” 26 Soo, hon se te yung xtiir woo se raus kesuucht hon kehool, tëm in kericht un hon te naame fon Paal fon moynts pis mitaach aan keruuft. Tii hon hart kesaat: “Oo Paal, tuu uns antworte!” Awer es hot khee xtim kep; nimant hot keantwort. Tii hon wayter um rom te altar woo se kemacht hon laam ketanst. 27 Ticht foer mitaach, hot Eliias aan kefang tëne xpote, am saan: “Teyer must hërter xraaye! Wayl eyer een kot is! Fiilaycht, hot eyer tsu fiil mit sich selepst se tuun orer must eyer sayn neetichkheete mache. Orer im xtant, is eyer am xloofe un yemant mus tëm wach mache!” 28 Tii hon soo hart kexraayt wii se khonte un hon sich selepst mit khortse meser un lantse kexnit, tëm noo sayn kewoonheet, pis se fol pluut waare. 29 Noo mitaach, hon se wayter ausensichtich kexraayt pis ti tsayt fer ti oomts sereaal opfer mache. Awer es hot khee xtim kep; nimant hot keantwort; nimant hot ti acht kep. 36 Unkefeer torich ti tsayt fer ti oomts sereaal opfer mache, is Eliias, te profeet, ticht tsu te altar khom un hot kesaat: “Oo Yeehoowa, Kot fon Apraham, Isak un Israël. Ti layt sole hayt wise tuun tas tuu Kot in Israël pist, tas ich tayn tiiner sin un tas tiise kanse tinge woo ich kemacht hon, waare tëm noo was tuu mich kexikt hast. 37 Tuu mich antworte, oo Yeehoowa! Tuu mich antworte, tas tiise folek wise tuut tas tuu, Yeehoowa, te woere Kot pist un tas tuu tëne sayn hërts fer tich noch mool kewine wilst.” 38 Tan, is fayer fon Yeehoowa runer khom un hot ti keprënente opfer, tas hols, ti xteen un te xtaap kans ferprënt, un tas waser im kraape is aus ketrokent kep.